გიორგი კაჭახიძე

დაბადების ადგილი: სოფელი დიდი ჯიხაიში, სამტრედიის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1930 წელს.

სტუდენტობიდანვე დაუკავშირდა გაზეთ "ახალგაზრდა კომუნისტის" გარშემო არსებულ ლიტერატურულ წრეს, აქვე გამოქვეყნდა მისი პირველი ლექსებიც. 1932 წელს გამოაქვეყნა ლექსთა პირველი კრებული "ჩემი პირველი უჯრედი". საზოგადოების ყურადღება მიიპყრო ნიჭიერი ლიტერატორის პირველმა წიგნებმა; განსაკუთრებით აღსანიშნავია ვრცელი პოეტური ნაწარმოები "ის უბანი და ის კარმიდამო", რომელიც მწერლის ნახევარსაუკუნოვანი თავდადებული შემოქმედებითი შრომის შედეგს წარმოადგენს. მისი ლექსები მეგობრობასა და სიყვარულს ეხება და ნათარგმნია ბევრ უცხო ენაზე; მან არაერთი პოეტური კრებულით გაამდიდრა ჩვენი საბავშვო ლიტერატურა: "ალუბლები ყვავიან", "სწავლასა და სიხარულში", "მალხაზებისათვის არც მიმღერია" და სხვა;1966 წელს გამოსცა მონოგრაფია "შიო მღვიმელის ცხოვრება და პოეზია". ეწეოდა რედაქტორულ მოღვაწეობას. იყო საბავშვო ჟურნალების "ოქტომბრელის", "პიონერის" და საბავშვო წიგნის გამომცემლობის "ნაკადულის" განყოფილების გამგე.  

წყარო: მამულიშვილთა სავანე. - თბ., 1994. - გვ.210; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ. 180

• იაკობ გოგებაშვილის სახელობის მედალი
• საპატიო ნიშნის ორდენი

• შიო მღვიმელი : კრიტიკული ნარკვევი (Author). - თბილისი, ზარია ვოსტოკას სტ., 1938. - 98გვ.
• შეფოთლილი ხეივანი : ლექსები (Author). - თბილისი, სახელგამი, 1937. - 140გვ.
• ის უბანი და ის კარმიდამო : ლექსები (Author). - ტფილისი, სახელგამის გა-მა, 1934. - 103გვ.
• რამდენიმე ლექსი (Author). - ტფილისი, სახელგამის გა-მა, 1932. - 58გვ.