კლავდია დევდარიანი

დაბადების ადგილი: სოფელი მირონწმინდა, ხარაგაულის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი.

მუშაობდა გაზეთ "ნორჩი ლენინელის" კორესპოდენტად, განათლების სამინისტროს სახელმძღვანელოების განყოფილების ინსპექტორ-მეთოდისტად. ეწეოდა პედაგოგიურ მოღვაწეობას. იყო თანაავტორი IV და VI კლასების ქართული ლიტერატურის სახელმძღვანელოებისა. მისი სამწერლო დებიუტი ჟურნალ "პიონერში" შედგა, სადაც გამოქვეყნდა კ. დევდარიანის პირველი საბავშვო მოთხრობა "აღარ დაბრუნდა". ავტორია ბიოგრაფიული რომანებისა: "სიჭაბუკე პოეტისა", "სიცოცხლე და უკვდავება"; რომანებისა: "ძველი ფუძე", "დრო და სივრცე"; დოკუმენტური კინოფილმებისა: "რუსთაველი", "ბარათაშვილი", "გალაკტიონი" და სხვა. თოჯინების თეატრში იდგმებოდა მისი პიესა "მეცამეტე გოჭი". 

წყარო: საქართველო: ენციკლოპედია , ტ. 2. -თბ., 2012.- გვ. 355; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.65

• 1999 - ღირსების ორდენი
  თანამედროვე ქართული ლიტერატურის განვითარებაში შეტანილი პირადი დიდი წვლილისათვის, ნაყოფიერი შემოქმედებითი და საზოგადოებრივი მოღვაწეობისათვის
• 1989 - შიო მღვიმელის სახელობის პრემია
• 1970 - იაკობ გოგებაშვილის სახელობის მედალი
• 1970 - საქართველოს დამსახურებული მასწავლებელი

• დრო და სივრცე : მოთხრობები (ავტორი). - თბილისი, ნაკადული, 1989. - 150გვ.
• ორი რომანი (ავტორი). - თბილისი, საბჭ. საქართველო, 1988. - 359 გვ.
• მშობლიური ლიტერატურა : მე-6 კლასის სახელმძღვ.- მე-8 გამოც. (ავტორი). - თბილისი, განათლება, 1980. - 343გვ.
• სიცოცხლე და უკვდავება : იაკობ გოგებაშვილის ცხოვრებისა და მოღვაწეობის შესახებ (ავტორი). - თბილისი, ნაკადული, 1970. - 131გვ.
• სიჭაბუკე პოეტისა : ნ. ბარათაშვილის (ავტორი). - თბილისი, საბჭ. საქართველო, 1967. - 240გვ.
• ძველი ფუძე : მოთხრობები (ავტორი). - თბილისი, საბჭ. საქართველო, 1966. - 204გვ.