კალისტრატე ცინცაძე (კათოლიკოს-პატრიარქი)

დაბადების ადგილი: სოფელი ტობანიერი, ვანის რაიონი.

დაამთავრა თბილისის სასულიერო სემინარია 1888 წელს, ხოლო 1892 - კიევის სასულიერო აკადემია.

1893 წელს მღვდლად ეკურთხა და დაინიშნა დიდუბის ეკლესიაში. 1903 წელს გადაიყვანეს ქაშვეთის ეკლესიაში. 1909 წლიდან არის დეკანოზი, 1925-იდან მიტროპოლიტი, იმავე წლიდან - ნინოწმინდელი ეპისკოპოსი, 1927-იდან მანგლელი. 1932 წლის 21 ივნისს საქართველოს მართლმადიდებელი ეკლესიის მე-6 კრებაზე იგი არჩეულ იქნა სრულიად საქართველოს კათოლიკოს-პატრიარქად (1932-1952). 24 ივნისს სვეტიცხოვლის საპატრიარქო ტაძარში მოხდა მისი აღსაყდრება. იგი აქტიურად იბრძოდა ქართული ეკლესიის ავტოკეფალიის აღსადგენად. ამ საკითხს მიუძღვნა წიგნი: "ქართული ეკლესიის ავტოკეფალია" (1905, რუსულ ენაზე). აქვს ისტორიული და ლიტერატურული ხასიათის მნიშვნელოვანი გამოკვლევები და წერილები. ღვთის მეტყველების კანდიდატი (1892).

წყარო: ქართული საბჭოთა ენციკლოპედია: ტ. 5.-თბ.,1980.-გვ.336

• სსრკ მშვიდობის დაცვის კომიტეტი, წევრი (1948-1952)

• ჩემი მოგონებებიდან (ავტორი). - თბილისი, ციცინათელა, 2001. - 240გვ.
• ქვაშვეთის წმიდის გიორგის ეკლესია ტფილისში (ავტორი). - თბილისი, კანდელი, 1994. - 304გვ.
• ლოცვანი და შემოკლებული კატიხიზმო (ავტორი). - ტფილისი, ბ.ა. კილაძის სტ., 1914. - 86გვ.
• Автокефалія церкви грузинской : историческій очерк IV-ХI века (ავტორი). - Тифлис, Скоропечатня Ар. В. Кутателадзе, 1905. - 60стр.