გიორგი ნატროშვილი

დაბადების ადგილი: სოფელი ზემო მაჩხაანი, სიღნაღის მაზრა (ახ. დედოფლისწყაროს მუნიციპალიტეტი).

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1933 წელს.

1930 წლიდან მუშაობდა ქართულ ჟურნალ-გაზეთების რედაქციებში. 1943-1963წწ. იყო "ლიტერატურული გაზეთის"; 1963-1973წწ. - ჟურნალ "დროშის" მთავარი რედაქტორი; 1973-1982წწ. - ჟურნალ "მნათობის" მთავარი რედაქტორი"; 1982 წლიდან - გ. ლეონიძის სახელობის ლიტერატურის მუზეუმის დირექტორი. ლიტერატურული მოღვაწეობა 1930-იანი წლებიდან დაიწყო. პირველი წიგნი "დავით კლდიაშვილის შემოქმედება" 1934 წელს გამოსცა. მეორე მსოფლიო ომის მონაწილემ სამხედრო მოთხრობათა პირველი კრებული "დასავლეთის ფრონტზე" 1943 წელს გამოაქვეყნა. მოთხრობების მომდევნო კრებულებმა ("ისევ გაზაფხული იყო", 1957; "უდარდელი კაცის სიკვდილი", 1961) მას ქართული პროზის გამოჩენილი ოსტატის სახელი მოუხვეჭა. მასვე ეკუთვნის ლიტერატურულ-კრიტიკული ნაშრომების კრებულები "წინაპრები და თანამედროვენი" (1961), "ორი საუკუნის მიჯნაზე" (1963) და სხვ. მას თვალსაჩინო წვილი მიუძღვის ქართული ლიტერატურის კრიტიკასა და ლიტერატურათმცოდნეობაში. მისი ნიაშრომები ეხება ქართული ლიტერატურის განვითარების ძირეულ პრობლემებს. მისი თხზულებები თარგმნილია რუსულ, სომხურ, აფხაზურ ენებზე. ქართველი მწერალი, ლიტერატურათმცოდნე. საქართველოს სსრ VIII, IX, X მოწვევის უმაღლესი საქბჭოს დეპუტატი.

წყარო: ქართული საბჭოთა ენციკლოპედია: ტ.7.-თბ., 1984.-გვ.329; მწერალთა ავტობიოგრაფიები. წ. 2/გიორგი ლეონიძის სახ. ქართ. ლიტ. მუზეუმი. -თბ., 2013. -გვ.347-351

• საქართველოს საბჭოთა მწერლების კავშირი, წევრი (1934-)

• შრომის წითელი დროშის ორდენი (3 ორდენი)
• დიდი სამამულო ომის II ხარისხის ორდენი

• პოეტი და წუთისოფელი : ლიტ. ნარკვევები (ავტორი). - თბილისი, განათლება, 1978. - 101გვ.
• მოთხრობები (ავტორი). - თბილისი, ლიტერატურა და ხელოვნება, 1967. - 125გვ.
• ორი საუკუნის მიჯნაზე : კრიტიკული წერილები (ავტორი). - თბილისი, ნაკადული, 1963. - 191გვ.
• ისევ გაზაფხული იყო : მოთხრობები (ავტორი). - თბილისი, საბჭ. მწერალი, 1957. - 281გვ.
• ლიტერატურული ეტიუდები (ავტორი). - თბილისი, გამ-ბა კომუნისტი, 1947. - 289გვ.
• დავით კლდიაშვილის შემოქმედება (ავტორი). - ტფილისი, სახელგამი, 1935. - 66გვ.
• ლიტერატურის მეცნიერების საკითხები (ავტორი). - თბილისი, სახელგამის გა-მა, 1932. - 218გვ.