მიხეილ მრევლიშვილი

დაბადების ადგილი: ქ. ონი.

დაამთავრა თბილისის სახელმწიფო უნივერსიტეტის სოციალ-ეკონომიკური ფაკულტეტი.

სწავლასთან ერთად მუშაობდა 15 უბნის განათლების მუშაკთა პროფკავშირში ტექნიკურ მდივნად. 1925 წელს გადავიდა სტატისტიკურ ბიუროში სტატისტიკოსად. ამავე პერიოდში მუშაობა დაიწყო გაზეთ "მუშას" მუშათა კორესპონდენტად და მხატვრული პროზის ხაზით. მისი პირველი რომანი დაიბეჭდა 1926 წელს და მას შემდეგ ლიტერატურულ მოღვაწეობას ეწეოდა. 1929 წელს მწერალთა კავშირმა მიავლინდა სასწავლებლად მოსკოვში,  ჟურნალისტიკის ინსტიტუტში, მაგრამ ინსტიტუტის რეორგანიზაციის გამო, იძულებული იყო სწავლა ისევ ეკონომიკურ ფაკულტეტზე გაეგრძელებინა. შემდეგ მუშაობდა ტრესტ "მოსკულტმშენში" მგეგმავად. 1932 წელს ჯანმრთელობასთან დაკავშირებული პრობლემების გამო საცხოვრებლად თბილისში გადმოვიდა  და ომის დაწყებამდე "სამტრესტში" უფროს ეკონომისტად მუშაობდა. ჯანმრთელობის გამო სამხედრო აღრიცხვიდან მოხსნეს და სამუშაოდ ჰოსპიტალში გააგზავნეს, სადაც ომის დამთავრებამდე იმუშავა. 1945 წლიდან იყო საქართველოს რესპუბლიკის ხელოვნების მუშაკთა სახლის დირექტორის მოადგილე. ამ ხნის განმავლობაში არ შეუწყვეტია ლიტერატურული მოღვაწეობა.

წყარო: მწერალთა ავტობიოგრაფიები. წ. 2/გიორგი ლეონიძის სახ. ქართ. ლიტ. მუზეუმი. -თბ., 2013. -გვ.195-200

• საქართველოს თეატრალური საზოგადოება, თავმჯდომარე (1959-1962)
• საქართველოს საბჭოთა მწერლების კავშირი, წევრი (1927-)

• მოთხრობები. თბილისური ნოველები. მგზნებარე მეოცნებე (ავტორი). - თბილისი, საბჭ. საქართველო, 1961. - 194გვ.
• ზვავი : დრამა 4 მოქმ. 8 სურ. (ავტორი). - თბილისი, ხელოვნება, 1958. - 88გვ.
• ნიკოლოზ ბარათაშვილი. ბედი მგოსნისა : პიესა 4 მოქ. და 8 სურათად. (ავტორი). - თბილისი, საბჭ. მწერლი-ს გამ-ბა და სტ., 1950. - 161გვ.
• ხარატაანთ კერა : რომანი (ავტორი). - თბილისი, საბჭ. მწერალის გამ-ბა და სტ., 1948. - 220გვ.