ზურაბ კუხიანიძე

დაბადების ადგილი: ქ. ქუთაისი.

დაამთავრა ა. წულუკიძის სახელობის ქუთაისის პედაგოგიური ინსტიტუტის ფილოლოგიის ფაკულტეტი 1954 წელს.

1954-1977წწ. იყო ქუთაისის პიონერთა და მოსწავლეთა სასახლის დირექტორი, ხოლო 1977 წლიდან - გამომცემლობა "საბჭოთა საქართველოს" ქუთაისის ფილიალის დირექტორი. მისი პირველი ლექსი გამოქვეყნდა 1952 წელს, ხოლო 1958 წელს გამოიცა მისი პირველი კრებული "გაფრენილი წეროები"; ავტორია ლირიკულ ლექსთა კრებულებისა "ბროწეულების ცეცხლი" (1963), "გულისცემა" (1970), "ათინათი" (1972), "როგორც ცერზე მიმინო" (1975), "როცა სისხლი ლაპარაკობს" (1977), "ეს ოთხი წელი" (1980) და სხვ., საბავშვო ლექსებისა ("კალიების კარნავალი", 1975), მოთხრობებისა ("წყალწითელა", 1971; "შატილელი შავლეგო", 1977) და სხვ. არის 40-მდე წიგნის ავტორი.

 წყარო: ქართული საბჭოთა ენციკლოპედია: ტ.6.-თბ., 1983. -გვ.92

• 2000 - ღირსების ორდენი

• რაც ვთქვი, გულით ვთქვი : ლექსები, ბალადები, პოემები (ავტორი). - თბილისი, საქართველო, 1990. - 306გვ.
• ვარსკვლავებზე მონადირენი : მოთხრობები საშ. სასკოლო ასაკის ბავშვებისათვის (ავტორი). - თბილისი, ნაკადული, 1980. - 266გვ.
• შატილელი შავლეგო : მოთხრობები უმცრ. სასკოლო ასაკის ბავშვთათვის (ავტორი). - თბილისი, ნაკადული, 1977. - 63გვ.
• კალიების კარნავალი : ლექსები უმცრ. სასკოლო ასაკის ბავშვთათვის (ავტორი). - თბილისი, ნაკადული, 1975. - 58გვ.