ემზარ კვიტაიშვილი

დაბადების ადგილი: ქ. თბილისი.

1959 წელს დაამთავრა თბილისის სახელმწიფო უნივერსიტეტის ფილოლოგიის ფაკულტეტი. 

მისი პირველი ლექსები დაიბეჭდა 1957 წელს "ცისკარსა" და "პირველ სხივში". 1963 წელს გამოქვეყნდა მისი პირველი კრებული - "გზაში ნათქვამი სიმღერა". 1956-1960 წწ. მუშაობდა საქართველოს კომუნისტური პარტიის ცენტრალური კომიტეტის გამომცემლობის კადრების უფროს ინსპექტორად, 1960-1961 წწ. ამავე გამომცემლობის რედაქტორად, 1963 წლიდან ჟურნალ "ცისკარის" ლიტერატურულ მუშაკი იყო, ხოლო შემდეგ შოთა რუსთაველის ლიტერატურის ინსტიტუტის ახალი ქართული ლიტერატურის განყოფილების მეცნიერ-მუშაკი. კრებული "სიზმარი ვნახე" 1975 წელს გამოიცა, ხოლო კრებული "ნაშუადღევი" - 1999 წელს. 

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ. 189

• 1997 - ღირსების ორდენი

• იკაროსის დაღუპვა : ლექსები (ავტორი). - თბილისი, მერანი, 1998. - 208გვ.
• ახალი წელი ტყეში : ლექსები (ავტორი). - თბილისი, ნაკადული, 1989. - 150გვ.