ლიდა სტვილია

დაბადების ადგილი: სოფელი ქვედა ხუნწი, გეგეჭკორის (მარტვილი) რაიონი. 

დაამთავრა თბილისის პუშკინის სახელობის სახელმწიფო პედაგოგიური ინსტიტუტის ფილოლოგიის ფაკულტეტი 1971 წელს.

სხვადასხვა დროს მუშაობდა სოხუმის დრამატული თეატრის ქართულ დასში, საქართველოს სახელმწიფო წიგნის პალატის ბიბლიოგრაფად, გამომცემლობა "ნაკადულის" რედაქტორად. მისი პირველი ლექსი - "ძირს რა დახრის" დაიბეჭდა 1955 წელს გაზეთში "სოციალისტური სოფელი", ხოლო პირველი კრებული - "დილა ვენახში" გამოიცა 1959 წელს სოხუმში. ლირიკული ლექსების 10 კრებულისა  ("ბედნიერების ბუდე", "კოლხეთის ციცინათელები", "კლდის ყვავილები", "მთვარეს უყვარს აივანი ჩემი" და სხვა) და საბავშვო ლექსების 6 კრებულის ავტორია. მათ შორისაა: "ბედნიერების ბუდე" (1965), "გაზაფხული ზამთარში" (1971), "მთვარეს უყვარს აივანი ჩემი" (1989). თარგმნილი აქვს ოსი პოეტების კოსტა ხეთაგათის, გაფეზის, ნაფი ჯუსოითის ლექსები.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.288

• მთვარეს უყვარს აივანი ჩემი : ლექსები (ავტორი). - თბილისი, საბჭ. საქართველო, 1989. - 202გვ.
• ძილისგუდას, ჭამისგუდას და ზღაპრისგუდას ამბავი : ლექსები. უმცრ. სასკოლო ასაკის ბავშვთათვის. (ავტორი). - თბილისი, ნაკადული, 1975. - 55გვ.
• გაზაფხული ზამთარში : ლექსები (ავტორი). - თბილისი, მერანი, 1971. - 71გვ.
• ბედნიერების ბუდე : ლექსები (ავტორი). - თბილისი, ლიტერატურა და ხელოვნება, 1965. - 85გვ.