პარმენ ცახელი

დაბადების ადგილი: სოფელი ცახი, ამბროლაურის რიაონი.

ქართული ენის მასწავლებელი ქუთაისის I კლასიკურ გიმნაზიაში. არ ჰქონდა უმაღლესი განათლება, მაგრამ, თანამედროვეთა გადმოცემით, იყო კარგი პედაგოგი, სპეციალისტი და უფლებრივად გაუთანაბრეს უმაღლეს დამთავრებულ მასწავლებლებს. 1888-1889 წწ. მუშაობდა მასწავლებლად ბეშნაგირის ერთკლასიან სასწავლებელში; 1908 წლიდან დროებით დაინიშნა ქართული ენის მასწავლებლად ქუთაისის ვაჟთა გიმნაზიაში, შემდეგ დაამტკიცეს შტატის მასწავლებლად ამავე საგანში (1918). მინიჭებული ჰქონდა სამოქალაქო და სამრევლო მასწავლებლობის წოდება; 1911 წლიდან ქართული ენის მასწავლებლის წოდება. 1918 წლის დეკემბერში განათლების სამინისტროში გაგზავნილ დეპეშაში პარმენ თვალჭრელიძე სომხეთთან დაწყებულ ომში წასვლის უფლებას ითხოვდა: "გულს ვეღარ ვიკავებ, ჯარში ვეწერები, საწინააღმდეგო ხომ არაფერი გაქვთ, გთხოვთ შეეკითხოთ მინისტრის ამხანაგს". დეპეშაზე ასეთი პასუხი მიიღო: "ახალგაზრდობას, რომელიც სასწავლებელში სწავლობს, ისევე ჭირდება ხელმძღვანელნი, როგორც სამშობლოს დღეს მეომარნი. ვფიქრობ, ბ-ნი თვალჭრელიძე უნდა დარჩეს სასწავლებელში". სამწუხაროდ, იგი ბოროტმოქმედების ხელით იქნა მოკლული.

წყარო: საქართველოს დემოკრატიული რესპუბლიკა (1918-1921): ენციკლოპედია -ლექსიკონი. -თბ., 2018.-გვ.195

• ყვავილთა სიმღერა : ლექსები, პოემები. (ავტორი). - თბილისი, ნაკადული, 1977. - 104გვ.
• საბავშვო ლექსები, იგავ-არაკები და პოემები (ავტორი). - თბილისი, საბლიტგამი, 1950. - 184გვ.
• ლექსები და პოემები : საშუალო და უფროსი ასაკისათვის. (ავტორი). - თბილისი, საბლიტგამი, 1948. - 84გვ.