ნოდარ ჯალაღონია

დაბადების ადგილი: სოფელი ხაბუმე, ჩხოროწყუს რაიონი. 

დაამთავრა შოთა რუსთაველის სახელობის ბათუმის პედაგოგიური ინსტიტუტის ისტორია-ფილოლოგიის ფაკულტეტი 1960 წელს, ხოლო 1969 წელს მოსკოვის მაქსიმ გორკის უმაღლესი ლიტერატურული კურსები.

მუშაობა დაიწყო ბათუმის მუზეუმში; მისი პირველი ლექსები გამოქვეყნდა 1955 წელს, ხოლო პირველი კრებული "სიმღერის გაზაფხული", 1959 წელს. 1964 წელს იყო საქართველოს რადიოსა და ტელევიზიის სახელმწიფო კომიტეტის კორესპონდენტი; 1969 წელს დაინიშნა საქართველოს ტელევიზიის სამეცნიერო-მეთოდური რედაქციის უფროს რედაქტორად; 1971-1974წწ. საქართველოს ტელევიზიის ლიტერატურულ გადაცემათა რედაქციის უფროსი რედაქტორი; 1974-1993წწ. საქართველოს რადიოსა და ტელევიზიის სახელმწიფო კომიტეტის სატელევიზიო ფილმების სტუდიის ჯერ რედაქტორი, შემდგომ სატელევიზიო ფილმების სარედაქციო კოლეგიის წევრი; 1998-2001წწ. ხარისხის მართვის თბილისის ინსტიტუტში კითხულობდა ლექციებს ჟურნალისტიკასა და ქართულ ლიტერატურაში; გამოცემულლი აქვს ლექსების 27 და სტატიების ერთი კრებული; ძირითადი პოეტური კრებულებია: "სიმაღლე"(1964), "ხმა"(1972), "ლექსები"(1974), "ყვავილების მიწა"(1980), "კამერტონი"(1983), "გზები და დღეები"(1984). მისი ლექსები თარგმნილია რუსულ, უკრაინულ, სომხურ, ოსურ ენებზე. მიღებული აქვს საქართველოს მწერალთა კავშირის პრემია (1979). არის ქ. ჩხოროწყუსა (2015) და ქ. სენაკის (2015) საპატიო მოქალაქე. საზოგადო მოღვაწე. 

წყარო: ქართული საბჭოთა ენციკლოპედია: ტ. XI.–თბ., 1977.–გვ.533

• საბჭოთა კავშირის კომუნისტური პარტია, წევრი (1967-1989)
• საქართველოს მწერალთა კავშირი, წევრი (1964-1992)

• ერთტომეული : ლექსები (ავტორი). - თბილისი, ზანი, 2004. - 528გვ.
• ქალი, რომელიც გიყვარს : ლექსები სიყვარულზე (ავტორი). - თბილისი, 2003. - 32გვ.
• ჩვენი მარადიული თემა : ლექსები (ავტორი). - თბილისი, მერანი, 1991. - 189გვ.
• სიმღერის გაზაფხული : ლექსები (ავტორი). - ბათუმი, სახელგამი, 1959. - 72გვ.