ილია აბულაძე

დაბადების ადგილი: სოფელი ზემო საქარა, ზესტაფონის რაიონი.

დაამთავრა თბილისის სახელმწიფო უნივერსიტეტის სიტყვიერებისა და საენათმეცნიერო განყოფილებები 1926 წელს.

1933 წლიდან ეწეოდა სამეცნიერო მოღვაწეობას, მისი ინიციატივით ჩამოყალიბდა საქართველოს ხელნაწერთა ინსტიტუტი, რომელსაც სიცოცხლის ბოლომდე ხელმძღვანელობდა. ავტორია ასზე მეტი ნაშრომისა, რომელთა უმეტესობა ეძღვნება ქართულ-სომხურ ფილოლოგიურ პრობლემებს. "შუშანიკის წამების" ქართული და სომხური ტექსტების ანალიზის საფუძველზე საბოლოოდ დაადგინა, რომ ქართული ვერსია არის ორიგინალი, ხოლო სომხური-თარგმანი. მასვე ეკუთვნის ძველი ქართული მწერლობის ძეგლების მეცნიერული შესწავლა. ილია აბულაძემ აღმოაჩინა კავკასიის  ალბანელთა ანბანი. იკვლევდა ქართულ ლექსიკას, შეადგინა "ძველი ქართული ენის" ლექსიკონი. 1968 წელს, ი. აბულაძის პირადი ბიბლიოთეკა და ნივთები ხელნაწერთა ინსტიტუტს გადაეცა. მის კაბინეტში დაცულია 2 663 წიგნი, 647 პერიოდული გამოცემა ქართულ, სომხურ, რუსულ და სხვადასხვა ევროპულ ენებზე; არმენოლოგი, პალეოგრაფი, ლექსიკოგრაფი, რუსთველოლოგი; ფილოლოგიის მეცნიერებათა დოქტორი (1946); პროფესორი (1947).

წყარო: მამულიშვილთა სავანე. - თბ., 1994. - გვ.27; ქართველ მოღვაწეთა ლექსიკონი: 1801-1952 : ტ.I .-თბ.,2018.-გვ.59; ენციკლოპედია: ქართული ენა. -თბ., 2008.-გვ.15

• საქართველოს მეცნიერებათა აკადემია, წევრ-კორესპონდენტი (1950-)
• სომხეთის მეცნიერებათა აკადემიის ენის ინსტიტუტის სამეცნიერო საბჭო, წევრი (1944-)
• სომხეთის მინისტრთა საბჭოსთან არსებული ხელოვნებათა შემსწავლელი ინსტიტუტის სამეცნიერო საბჭო , წევრი (1936-)

• 1961 - საქართველოს მეცნიერებათა დამსახურებული მოღვაწე
• მედალი "სამამულო ომის დროს თავდადებული შრომისთვის"

• სულხან-საბა ორბელიანის "ლექსიკონი ქართული" (შემდგენელი). - თბილისი, მერანი, 1998. - 211გვ.
• ქართული ენა : საქ. სსრ სომხ. სკოლის I-ლი კლ. სახელმძღვ. (ავტორი). - თბილისი, განათლება, 1989. - 195 გვ.
• ძველი ქართული ლიტერატურა: ქრესტომატია : მე-8 კლ. სახელმძღვ. (შემდგენელი). - თბილისი, განათლება, 1977. - 264გვ.
• ქართული წერის ნიმუშები : პალეოგრაფიული ალბომი (შემდგენელი). - თბილისი, თბილისის სახელმწ. უნ-ტის გამ-ბა, 1949. - 358გვ.
• ქართული და სომხური ლიტერატურული ურთიერთობა IX-X სს-ში : გამოკვლევა და ტექსტები (ავტორი). - თბილისი, საქ. სსრ მეცნ. აკად. გამ-ბა, 1944. - 275გვ.