ეგნატე ფიფია

დაბადების ადგილი: სოფელი ჯვარი, წალენჯიხის რაიონი.

დაამთავრა თბილისის სახელმწიფო უნივერსიტეტის სამკურნალო ფაკულტეტი 1926 წელს.

1940–1950წწ. განაგებდა თბილისის სამედიცინო ინსტიტუტის პედიატრიისა და სანჰიგიენის ფაკულტეტებს, ჰოსპიტალური ქირურგიის კლინიკას, ხოლო 1950 წლიდან სიცოცხლის ბოლომდე სათავეში ედგა იმავე ინსტიტუტის სამკურნალო ფაკულტეტის ქირურგიულ კათედრას. 1943–1953წწ. იყო საქართველოს მეცნიერებათა აკადემიის ექსპერიმენტული და კლინიკური ქირურგიისა და ჰემატოლოგიის ინსტიტუტის ქირურგიული განყოფილების გამგე. 1941 წელს ის თბილისის ერთ–ერთი ევაკოჰოსპიტლის  წამყვანი ქირურგიც იყო. ე. ფიფიამ ქართულ მედიცინაში დანერგა ღვიძლის მკურნალობის თვისობრივად ახალი მეთოდი. ის სწავლობდა ღვიძლის ექინოკოკს, ცენტრალური და პერიფერიული ნერვული სისტემების დაზიანების საკითხებს. ფართოდ დანერგა წყლულვანი დაავადების რადიკალური ოპერაცია. მასვე ეკუთვნის ნაშრომები კუჭის პათოლოგიის პრობლემებზე. მედიცინის მეცნიერებათა დოქტორი (1937), პროფესორი (1940). მოიხსენიებდნენ "ქართული ქირურგიის მეფედ".

წყარო: ქართული საბჭოთა ენციკლოპედია: ტ.10.-თბ.,1986.-გვ.336

• საქართველოს მეცნიერებათა აკადემია, აკადემიკოსი (1969-1979)

• 1977 - საქართველოს სახელმწიფო პრემია
• 1955 - საქართველოს მეცნიერებათა დამსახურებული მოღვაწე
• ლენინის ორდენი

• ნაღვლის შიგნითა ფისტულები : დამხმ. სახელმძღვ. სამედ. ინ-ტის სტუდენტებისათვს (თანაავტორი). - თბილისი, განათლება, 1982. - 108გვ.
• კლინიკური ლექციები : საფაკულტეტო ქირურგია. სახელმძღვ. სამედ. ინ-ტის სტუდენტთათვის. - თბილისი, განათლება, 1973. - 309გვ.
• გასტროსკოპია (ავტორი). - თბილისი, საბჭ. საქართველო, 1959. - 204გვ.
• ღვიძლის აბსცესი და მისი მკურნალობა (ავტორი). - თბილისი, საქბიომედგამი, 1938. - 83გვ.
• აპენდიციტი (ავტორი). - თბილისი, სახბიომედგამი, 1937. - 176გვ.