ზაზა ალექსიძე

დაბადების ადგილი: ქ. თელავი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1958 წელს.

1958-1968წწ. იყო ხელნაწერთა ინსტიტუტის მეცნიერ-თანამშრომელი; 1968-1979წწ. ისტორიის, არქეოლოგიისა და ეთნოგრაფიის ინსტიტუტის უფროსი მეცნიერ-თანამშრომელი; 1979-2006წწ. თბილისის სახელმწიფო უნივერსიტეტის არმენოლოგიის კათედრის გამგე; 1986-1988წწ. საქართველოს მეცნიერებათა აკადემიის აღმოსავლეთმცოდნეობის ინსტიტუტის წამყვანი მეცნიერ-თანამშრომელი, შეთავსებით ტექსტოლოგიის განყოფილების გამგე; 1989-1991წწ. თბილისის სასულიერო აკადემიის პროფესორი; 1988-2006წწ. კ. კეკელიძის სახელობის ხელნაწერთა ინსტიტუტის დირექტორი; 2002-2004წწ. საქართველოს მეცნიერებათა აკადემიის ენისა და ლიტერატურის განყოფილების აკადემიკოს-მდივნის მოვალეობის შემსრულებელი, პრეზიდიუმის წევრი; 2006-2007წწ. ხელნაწერთა ინსტიტუტის სამეცნიერო განყოფილების გამგე; 2007 წლიდან ხელნაწერთა ეროვნული ცენტრის კოდიკოლოგიისა და ტექსტოლოგიის განყოფილების გამგე; 2007 წლიდან  თბილისის სახელმწიფო უნივერსიტეტის სრული პროფესორი და არმენოლოგიის პროგრამის ხელმძღვანელი. არის 130 სამეცნიერო ნაშრომისა და 15 წიგნის ავტორი; პროფესორი (1985).

საკანდიდატო დისერტაციის თემა- "ეპისტოლეთა წიგნი", დაიცვა 1969 წელს; სადოქტორო დისერტაციის თემა- "ადრეული შუასაუკუნეების კავკასიისა და საქართველოს კულტურისა და იდეოლოგიის პრობლემები", დაიცვა 1984 წელს.

წყარო: ქართული ენა: ენციკლოპედია. - თბ. 2008. -გვ.25

• გელათის მეცნიერებათა აკადემია, დამფუძნებელი წევრი (1995-2023)
• საქართველოს მეცნიერებათა ეროვნული აკადემია, აკადემიკოსი (2013-2023)
• საქართველოს მეცნიერებათა ეროვნული აკადემია, წევრ-კორესპონდენტი (1997-2013)
• საქართველოს მეცნიერებათა ეროვნული აკადემიის აკადემიური საბჭო, წევრი

• 2002 - ღირსების ორდენი

• კავკასიის ალბანეთის დამწერლობა, ენა და მწერლობა = Caucasian Albanian Script, Language and Literature : აღმოჩენა სინას მთის წმ. ეკატერინეს მონასტერში (ავტორი). - თბილისი, 2003. - 224გვ.. - ISBN: 99940-755-1-9
• ალბანური მწერლობის ძეგლი სინას მთაზე და მისი მნიშვნელობა კავკასიოლოგიისათვის (ავტორი). - თბილისი, ლოგოსი, 1998. - 78გვ.
• ატენის სიონის ოთხი წარწერა (ავტორი). - თბილისი, საბჭოთა საქართველო, 1983. - 41გვ.
• ატენის სიონის სომხური წარწერები (ავტორი). - თბილისი, მეცნიერება, 1978. - 143გვ.