ფრიდონ თოდუა

 დაბადების ადგილი: ქ. ზუგდიდი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1968 წელს. 

1968-1990წწ. იყო მოსკოვის ა. ვიშნევსკის სახელობის ქირურგიის ინსტიტუტის უფროსი ლაბორანტი; უმცროსი და უფროსი მეცნიერ თანამშრომელი; კომპიუტერული ტომოგრაფიის განყოფილების ხელმძღვანელი; 1991 წლიდან დააარსა და ხელმძღვანელობს კლინიკური მედიცინის ს/კ ინსტიტუტს; 1998 წლიდან საქართველოს შრომის, ჯანმრთელობისა და სოციალური დაცვის სამინისტროს რეზიდენტურის სასწავლო პროგრამის დირექტორი სამედიცინო რადიოლოგიის სპეციალობაში; ხელმძღვანელობდა სამედიცინო აკადემიის რადიოლოგიის კათედრას ენდოსკოპიის კურსით; 1999 წლიდან ხელმძღვანელობდა თბილისის სახელმწიფო უნივერსიტეტის დიაგნოსტიკური მედიცინის დეპარტამენტს; 2002 წლიდან საქართველოს შრომის, ჯანმრთელობისა და სოციალური დაცვის სამინისტროს მთავარი რადიოლოგი. 2008-2012წწ. საქართველოს მე-7 მოწვევის პატლამენტის წევრი, საარჩევნო ბლოკი: ერთიანი ნაციონალური მოძრაობა, საარჩევნო ფორმა: მაჟორიტარული, მაჟორიტარი, N67 ზუგდიდის საარჩევნო ოლქი. 600 სამეცნიერო ნაშრომის, 8 მონოგრაფიისა და 15 გამოგონების ავტორი. მიღებული აქვს: ალექსანდრე ვიშნევსკის სახელობის პრემია (1979), ევროპის "ღირსების ორდენი" (1999), მალტის ორდენი (1999), ბელგიის სამეფო კარის შევალიეს წოდება (1999),  ა. შვაიცერის სახელობის მედალი (2003), აშშ-ის ბიოგრაფიული კვლევის ინსტიტუტის (მსოფლიოს გამორჩეული პიროვნებების ბიოგრაფიების შემსწავლელი ორგანიზაცია) მიერ ფ. თოდუა საზოგადოების წინაშე კეთილშობილური მიღწევებისთვის აღიარებულია 2003, 2008 და 2011 წლებში "წლის საუკეთესო ადამიანად".

საკანდიდატო დისერტაციის თემა - "ცელომური კისტები, პერიკარდიუმის დივერტიკულები და კარდიო-დიაფრაგმული კუთხის ლიპომები", დაიცვა 1973 წელს; სადოქტორო დისერტაციის თემა - "ბრონქული სისხლის მიმოქცევის მნიშვნელობა სისხლდენით გართულებული ფილტვის ქრონიკული არასპეციფიური დაავადებების დიაგნოსტიკასა და მკურნალობაში", დაიცვა 1984 წელს.

წყარო: აკადემიკოს ფ. თოდუას სამედიცინო ცენტრის ვებგვერდი: clinicalmedicine.ge; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.74; საქართველოს პარლამენტი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ., 2015.- გვ. 174; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.325

• "Georgian medical News" - სარედაქციო კოლეგია, წევრი
• ბრიტანეთის, ჩრდ. ამერიკისა და ევროპის რადიოლოგთა ასოციაცია, წევრი
• თბილისის სახელმწიფო უნივერსიტეტის აკადემიური საბჭო, წევრი
• ჟურნალ ''საქართველოს სამედიცინო მოამბის'' სარედაქციო კოლეგია, წევრი
• ჟურნალი "რენდგენოლოგიისა და რადიოლოგიის მაცნე", მთავარი რედაქტორი
• რუსეთის, უკრაინისა და ყაზახეთის რადიოლოგთა საზოგადოება, წევრი
• საქართველოს მე-7 მოწვევის პარლამენტი, ვიცე-სპიკერი (2008-2012)
• საქართველოს მე-7 მოწვევის პარლამენტი, თავმჯდომარის მოადგილე (2008-2012)
• საქართველოს მე-7 მოწვევის პარლამენტის ფრაქცია "ერთიანი ნაციონალური მოძრაობა'', წევრი (2008-2012)
• საქართველოს მეცნიერებათა აკადემიის ჟურნალი "მოამბე", მთავარი რედაქტორის მოადგილე
• საქართველოს მეცნიერებათა ეროვნული აკადემია, აკადემიკოსი
• საქართველოს მეცნიერებათა ეროვნული აკადემია, ვიცე-პრეზიდენტი (2004-)
• საქართველოს პრეზიდენტთან არსებული საპატიო მოქალაქეობისა და სახელმწიფო პრემიების მიმნიჭებელი კომიტეტის საბჭო, წევრი
• საქართველოს რადიოლოგთა ასოციაცია, პრეზიდენტი
• საქართველოს სწავლულ ექსპერტთა საბჭო, წევრი
• ჯანდაცვისა და სოციალური უზრუნველყოფის სამინისტროს მრჩეველთა საბჭო, წევრი

• 2009 - ვახტანგ გორგასლის ორდენი
• 2006 - ღირსების ორდენი
• 2004 - ივანე ჯავახიშვილის სახელობის მედალი
• 2000 - ანდრია პირველწოდებულის მედალი
• 1998 - თბილისის საპატიო მოქალაქე
• 1996 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  1990-1995წწ. გამოქვეყნებული შრომათა ციკლისთვის - "ახალი ტიპის სამეცნიერო-კვლევითი ინსტიტუტის შექმნა და რესპუბლიკის სამედიცინო პრაქტიკაში დაავადებისა და უსისხლო ორგანოშემანარჩუნებელი ოპერაციების დანერგვა ღვიძლისა და კუჭქვეშა ჯირკვლის დაავადებების დროს"
• 1996 - ღირსების ორდენი
• 1994 - ამირან ჩაჩავას სახელობის პრემია
• 1993 - გრიგოლ მუხაძის სახელობის მედალი
• 1993 - ზაზა ფანასკერტელ-ციციშვილის სახელობის მედალი
• 1988 - სსრკ სახელმწიფო პრემია

• ექსტრაკრანიული სისხლძარღვების პათოლოგიათა არაინვაზიური სხივური დიაგნოსტიკა : მონოგრაფია (ავტორი). - თბილისი, 2014. - 188გვ.. - ISBN: 978-9941-0-6024-3
• კლინიკური ნეირორადიოლოგია : მონოგრაფია (ავტორი). - თბილისი, 2013. - 182გვ.. - ISBN: 978-9941-0-6025-0
• ფიზიკა და მედიცინა : მერაბ ჯიბლაძე (რედაქტორი). - თბილისი, კლინიკური მედიცინრის ს/კ ინ-ტი, 2012. - 123გვ.. - ISBN: 978-9941-0-4475-5
• საყლაპავი მილის, კუჭისა და თორმეტგოჯა ნაწლავის ენდოსკოპიის ატლასი (ავტორი). - თბილისი, ფაუსტი, 2000. - 220გვ.

• სამსახური

  მისამართი:	თევდორე მღვდლის ქ. 13
  ტელეფონი:	2 94 02 89
  ელ.ფოსტა: