გურამ თევზაძე

დაბადების ადგილი:  ქ. თბილისი.

დაამთავრა თბილისის სახელმწიფო უნივერსიტეტის ფილოსიფია-ფსიქოლოგიის ფაკულტეტი 1954 წელს.

1958 წლიდან საქართველოს მეცნიერებათა აკადემიის ს. წერეთლის სახელობის ფილოსოფიის ინსტიტუტის მეცნიერ-თანამშრომელი; 1959-1965წწ. უფროსი მეცნიერ-თანამშრომელი; 1966-1971წწ. ამავე ინსტიტუტის ფილოსოფიის ისტორიის განყოფილების გამგე; 1971-2005წწ. თბილისის სახელმწიფო უნივერსიტეტის ფილოსოფიის კათედრის გამგე; 1993-2007წწ. საქართველოს მეცნიერებათა აკადემიის საზოგადოებრივ მეცნიერებათა განყოფილების აკადემიკოს-მდივანი; 2002 წლიდან 2018 წლამდე იყო საქართველოს მეცნიერებათა ეროვნული აკადემიის ვიცე-პრეზიდენტი; სამეცნიერო კვლევის ძირითადი მიმართულებები: ქართული ფილოსოფიის ისტორია, კლასიკური გერმანული ფილოსოფია და მისი გავლენა მსოფლიო კულტურაზე; გ. თევზაძემ ქართულ ფილოსოფიაში დააყენა კაპადოკიური რენესანსის პრობლემა, ანალოგიისა და ადამიანის დანიშნულების პრობლემები იოანე პეტრიწთან; ახლებურად გაიაზრა სისტემის, როგორც ორგანიზმის საკითხი კანტის ფილოსოფიაში; განსაზღვრა იოჰან ბაპტისტ შადის ადგილი გერმანულ კლასიკაში; წამოაყე­ნა გერმანული ნეოკანტიანე­ლობის ახალი განმარტება, ასევე ირაციონალიზმის, როგორც გონების თვითკრიტიკის, პრობლემა; მონაწილეობდა იმანუელ კანტის III, V, VII საერთაშორისო კონგრესების მუშაობაში; კითხულობდა სპეცკურსს "კანტის წმინდა გონების კრიტიკაზე" მოსკოვის სახელმწიფო უნივერსიტეტში (1981), ასევე ლექციების კურსს (იმანუელ კანტი, გეორგ ჰეგელი, ნიკოლაი ჰარტმანი ) ქ. ჩანჩუნის უნივერსიტეტში (1990), ხელმძღვანელობდა ფილოსოფიის საზაფხულო სკოლას ქ. ვილნიუსში (1986); გამოქვეყნებილი აქვს 218 ნაშრომი, მათ შორის, 9 მონოგრაფია. ფილოსოფიის მეცნიერებათა დოქტორი (1963), პროფესორი (1970), ფილოლოგ რუსუდან ენუქიძის მეუღლე და სოციოლოგ გიგი თევზაძის მამა.

საკანდიდატო დისერტაცი თემა - "თავისუფლებისა და აუცილებლობის პრობლემა", დაიცვა 1958 წელს; სადოქტორო დისერტაციის თემა - "გერმანული ნეოკანტიანელობის შემეცნების თეორია", დაიცვა 1963 წელს. 

წყარო: საქართველო: ენციკლოპედია: ტ. III.–თბ., 2014.–გვ.645; burusi.wordpress.com

• საქართველოს მეცნიერებათა ეროვნული აკადემია, ვიცე-პრეზიდენტი (2002-)
• საქართველოს მეცნიერებათა ეროვნული აკადემია, აკადემიკოსი (1993-)
• საქართველოს მეცნიერებათა ეროვნული აკადემია, წევრ-კორესპონდენტი (1988-)
• საქართველოს მეცნიერებათა ეროვნული აკადემია, აკადემიური საბჭოს წევრი

• 2002 - ღირსების ორდენი
• 1998 - ივანე ჯავახიშვილის სახელობის მედალი

• ილია ჭავჭავაძე და ახალი აზროვნება : შესაძლებლობა და სინამდვილე ი. ჭავჭავაძის ისტორიის ფილოსოფიაში (ავტორი). - თბილისი, თბილისი : Carpe diem, 2010. - 48გვ.. - ISBN: 978-9941-02849-6
• აღორძინების ეპოქის ფილოსოფია = Philosophy of the renaissance era : მარსილიო ფიჩინოდან იაკობ ბოემემდე (ავტორი). - თბილისი, ნეკერი, 2008. - 254გვ.. - ISBN: 978-9941-404-13-9
• იოანე პეტრიწი = Joane Petrizi (ავტორი). - თბილისი, ნეკერი, 2006. - 24გვ.. - ISBN: 99940-890-4-8
• ვალენტინ ვაიგელი = Valentin Weigel : პროტესტანტი მღვდლის ფილოსოფიური თეოლოგია (ავტორი). - თბილისი, ნეკერი, 2006. - 44გვ.. - ISBN: 99940-890-5-6
• კანტი და ფიხტე გოეთეს "ფაუსტში" = Kant und Fichte in Goethes "Faust" (ავტორი). - თბილისი, საქ. მეცნ. აკად., 2002. - 24გვ.
• XX საუკუნის ფილოსოფიის ისტორია (ავტორი). - თბილისი, სახ. უნ-ტის გამ-ბა, 2002. - 608გვ.. - ISBN: 99928-911-1-4
• ანტიკური ფილოსოფია (ავტორი). - თბილისი, მეცნიერება, 1995. - 168გვ.
• გერმანული ნეოკანტიანელობის შემეცნების თეორია (ავტორი). - თბილისი, საქ. სსრ მეცნ. აკად. გამ-ბა, 1963. - 349გვ.