ნოდარ ჯანბერიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი არქიტექტორის სპეციალობით 1949 წელს.

1949-1985წწ. იყო საქართველოს სსრ მეცნიერებათა აკადემიის გ. ჩუბინაშვილის სახელობის ქართული ხელოვნების ისტორიის ინსტიტუტის თანამშრომელი; 1961-1985 წწ. პედაგოგიურ მოღვაწეობას ეწეოდა თბილისის სამხატვრო აკადემიაში; 1973-1981 წწ. იყო ინსტიტუტის დირექტორის მოადგილე სამეცნიერო დარგში; 1981-1983 წწ. საქართველოს კომპარტიის ცენტრალური კომიტეტის კულტურის განყოფილების გამგე; 1988-1996წწ. დირექტორი. არქიტექტურის ისტორიკოსი და კრიტიკოსი. ხელოვნებათმცოდნეობის დოქტორი, პროფესორი. ქართველ არქიტექტორთა და მხატვართა შემოქმედების მკვლევარი. იგი აქტიურად ეხმაურებოდა არქიტექტურული ცხოვრების თვალსაჩინო მოვლენებს. ხელოვნებათმცოდნეობის დოქტორი, პროფესორი.

წყარო: ქართული საბჭოთა ენციკლოპედია: ტ. 11.-თბ.,1987.-გვ. 537; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.83; წიგნი ღირსებისა: ტ. 2 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 1997. - გვ.83

• საქართველოს მეცნიერებათა აკადემია, აკადემიკოსი (1996-1997)
• საქართველოს მხატვართა კავშირი, თავმჯდომარე (1974-1981)
• სსრკ მხატვართა კავშირი, მდივანი (1977-1982)
• სსრკ სამხატვრო აკადემია, წევრ-კორესპონდენტი

• 1997 - ღირსების ორდენი
• ხალხთა მეგობრობის ორდენი
• საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  უმანიტარულ მეცნიერებათა დარგში ნაშრომისთვის - ქართული არქიტექტურა : მიკროფიშების კრებული // წ. 1: შიდა ქართლი (ინგლისურ ენაზე, გამოცემულია ჰოლანდიის ქ. ლაილენში, 1994)
• საქართველოს ხელოვნების დამსახურებული მოღვაწე

• ზურაბ წერეთელი : ალბომი (ავტორი). - თბილისი, ხელოვნება, 1975. - 227გვ.
• ქართული საბჭოთა არქიტექტურა : განვითარების გზა (ავტორი). - თბილისი, ხელოვნება, 1971. - 476გვ.
• ქართული არქიტექტურის ძეგლები : უძველესი დროიდან მე-20 ს. მოკლე მიმოხილვა. ფოტო-ალბომით (ავტორი). - თბილისი, ლიტერატურა და ხელოვნება, 1965. - 20გვ.
• თბილისის ხუროთმოძღვრული გზამკვლევი (ავტორი). - თბილისი, საბჭ. საქართველო, 1958. - 188გვ.
• საქართველოს სსრ მთავრობის სახლის არქიტექტურა (ავტორი). - თბილისი, ხელოვნება, 1957. - 105გვ.