ზვიად დოლიძე

დაბადების ადგილი: ქ. თბილისი.

დაამთავრა პუშკინის სახელობის თბილისის პედაგოგიური ინსტიტუტის ისტორიის ფაკულტეტი 1980 წელს.

1978-1981წწ. იყო თბილისის I ექსპერიმენტული სკოლის ისტორიის მასწავლებელი; 1981-1982წწ. კ/ს "ქართული ფილმის" რეჟისორის ასისტენტი; 1982-1988წწ. კ/ს "მემატიანე"-ს რედაქტორი; 1988-1989წწ. პუშკინის სახელობის პედაგოგიური ინსტიტუტის უფროსი ლაბორანტი; 1991-1992წწ. მცირე საგამომცემლო საწარმო "ტაო-91"-ის დირექტორი; 1992-1997წწ. თსთი ისტორიის მასწავლებელი; 1997-2003წწ. უფროსი მასწავლებელი, კათედრის გამგე, დოცენტი, 2003-2006წწ. პროფესორი; 2006-2015წწ. თბილისის სახელმწიფო თეატრალური უნივერსიტეტის სრული პროფესორი და მსოფლიო კინოს ისტორიის მიმართულების ხელმძღვანელი; 1983-1985წწ. იყო ავტორი და წამყვანი სატელევიზიო პროგრამებისა: "კინოდოკუმენტალისტის თვალით" ( I არხი); 1997-1999წწ. "ილუზიონი" (I არხი), 1999-2001წწ. "ძველი კინოკლასიკა" (ევრიკა), "ოსკარი" ჩვენს ეკრანზე" (აჭარის ტელევიზია, 2001); 2004-2008წწ. საქართველოს მე-6 მოწვევის პარლამენტის წევრი, საარჩევნო ბლოკი: "ნაციონალური მოძრაობა - დემოკრატები", საარჩევნო ფორმა: პარტიული სიით. 2015 წლიდან საქართველოს შოთა რუსთაველის თეატრისა და კინოს სახელმწიფო უნივერსიტეტის პროფესორი, კინოს ისტორიის მიმართულების ხელმძღვანელი, საბაკალავრო, სამაგისტრო და სადოქტორო პროგრამების ავტორი და ნაშრომების ხელმძღვანელი; 2017 წლის ნოემბრიდან არჩეულია ამავე უნივერსიტეტის სახელოვნებო მეცნიერებების, მედიისა და მენეჯმენტის ფაკულტეტის დეკანად (tafu.edu.ge); მიწვეული ლექტორის სტატუსით კითხულობდა ლექციებს საქართველოს სხვა უმაღლეს სასწავლებლებში; იყო საერთაშორისო კინოფესტივალების ჟიურის წევრი, საერთაშორისო და ადგილობრივი სამეცნიერო კონფერენციების მონაწილე, 50 სამეცნიერო სტატიის (დაბეჭდილია როგორც საქართველოში, ისე საზღვარგარეთ) ავტორი, რამდენიმე წიგნისა და ჟურნალის რედაქტორი; კრებულების - "ქართველი ქალი კინორეჟისორების ძალა" (გამოცემულია სამხრეთ კორეაში 2014 წელს), "მიზანი: საქართველო" (გამოცემულია ესპანეთში 2019 წელს) და "ჩვენი ღირსებანი" (გამოცემულია საქართველოში 2016 წელს, ტომი VIII) თანაავტორი; მისი ბიოგრაფია შეტანილია ცნობარებში: "ვინ ვინ არის საქართველოში 2001-2002", "ვინ ვინ არის საქართველოში 2006", "ვინ ვინ არის საქართველოში 2009", "საქართველოს პარლამენტი - 1990-2006", "საქართველოს მეცნიერებათა დოქტორები - 1992-2006", "ქართული კინო - ენციკლოპედიური ლექსიკონი. 1896-2011", "საქართველოს პარლამენტის წევრები - 1990-2015"; არის ასოციაცია "სინერამას" აღმასრულებელი დირექტორი და აბაშის საერთაშორისო საბავშვო-საყმაწვილო კინოფესტივალის დამფუძნებელი და დირექტორი (www.cinerama.ge), თბილისის საერთაშორისო საბავშვო ფილმების ფესტივალის "ოქროს პეპელა" აღმასრულებელი დირექტორი. ისტორიის მეცნიერებათა კანდიდატი, ხელოვნებათმცოდნეობის დოქტორი. კინოისტორიკოსი (კინომცოდნე).

საკანდიდატო დისერტაციის თემა - "ქართული კულტურის ისტორია, კინემატოგრაფიის განვითარება 1921-1938 წლებში"; სადოქტორო დისერტაციის თემა - "ვესტერნის ისტორიულ-სოციალური წანამძღვრები და განვითარების გზები", დაიცვა 1997 წელს.

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.153

• საქართველოს კინემატოგრაფისტთა კავშირი, წევრი (2001-)
• საქართველოს მე-6 მოწვევის პარლამენტი, წევრი (2004-2008)
• საქართველოს მე-6 მოწვევის პარლამენტის განათლების, მეცნიერების, კულტურისა და სპორტის კომიტეტი, წევრი (2004-2008)
• საქართველოს მე-6 მოწვევის პარლამენტის ფრაქცია "ნაციონალური მოძრაობა - დემოკრატები", წევრი (2004-2008)
• საქართველოს საისტორიო საზოგადოება, თავმჯდომარის მოადგილე (1989-1991)

• ჯონ ფორდი (ავტორი). - თბილისი, მწიგნობარი, 2020. - 499გვ.
• მსოფლიო კინემატოგრაფის ისტორია : 1930-1960-იანი წლები : სახელმძღვანელო (ავტორი). - თბილისი, კენტავრი, 2016. - 302გვ.. - ISBN: 9789941946134
• ქართული კინო : მოკლე ისტორია (ავტორი). - თბილისი, ციცინათელა, 2015. - 272გვ.. - ISBN: 9789994080106
• აკირა კუროსავას კინოსამყარო (ავტორი). - თბილისი, ტრიასი, 2011. - 427გვ.. - ISBN: 978-9941-9137-4-7
• ვესტერნი : ისტორია და ფილმი (ავტორი). - თბილისი, მწიგნობარი, 2008. - 203გვ.. - ISBN: 978-9941-9019-6-6
• მსოფლიო კინემატოგრაფის ისტორია : უხმო კინო : სახელმძღვანელო სტუდენტებისათვის (ავტორი). - თბილისი, კენტავრი, 2007. - 242გვ.
• ქართული კინო (ავტორი). - თბილისი, რაეო, 2004. - 189გვ.