ალექსანდრე დიდებულიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი 1966 წელს.

1967-1968წწ. იყო საქართველოს პოლიტექნიკური ინსტიტუტის ასისტენტი; 1968-1974წწ. - სოფლის მეურნეობის მექანიზაციის და ელექტროფიკაციის ინსტიტუტის მეცნიერ-თანამშრომელი; 1974-1978წწ. - საქართველოს აგრარული უნივერსიტეტის უფროსი მასწავლებელი; 1978-1989წწ. - დოცენტი; 1989-2005წწ. - კათედრის გამგე, პროფესორი, სრული პროფესორი; 2001–2004წწ. - უფროსი ანალიტიკოსი USAID-ის პროექტებში; 2004-2008წწ. - საქართველოს განათლებისა და მეცნიერების მინისტრის პირველი მოადგილე და საპარლამენტო მდივანი, კოორდინაციას უწევდა 6 ახალი კანონის მიღებას; 2006-2013წწ. - საქართველოს აგრარული უნივერსიტეტის სრული პროფესორი; 2013 წლიდან - საქართველოს მეცნიერებათა ეროვნული აკადემიის ინოვაციებისა და მაღალი ტექნოლოგიების ცენტრის აღმასრულებელი მდივანი. ავტორია 270-მდე სამეცნიერო ნაშრომისა, მათ შორის, 10 მონოგრაფიის, 9 სახელმძღვანელოს, 16 ქვეყნის 42 პატენტისა.

საკანდიდატო დისერტაციის თემა - "სიხშირითმართვადი ასინქრონული ელექტრომძრავი ს/ს აგრეგატებისთვის", დაიცვა 1974 წელს; სადოქტორო დისერტაციის თემა - "სპეციალური ელექტოფიცირებული სატრანსპორტო-ტექნოლოგიური სისტემები სასოფლო-სამეურნეო წარმოებისათვის", დაიცვა 1991 წელს.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.154; საქართველოს მეცნიერებათა ეროვნული აკადემია: science.org.ge; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.122

• ბიბლიოთეკების განვითარების ფონდი (არასამთავრობო ორგანიზაცია), თავმჯდომარე (1995-1997)
• ეროვნული ენერგეტიკული აკადემია, წევრი (1995-)
• საქართველოს მეცნიერებათა აკადემია, წევრ-კორესპონდენტი (1997-)
• საქართველოს სოფლის მეურნეობის მეცნიერებათა აკადემია , წევრ-კორესპონდენტი (1994-)
• საქართველოს სოფლის მეურნეობის მეცნიერებათა აკადემია , ნამდვილი წევრი (1997-)
• საქართველოს სწავლულ ექსპერტთა საბჭო, თავმჯდომარის მოადგილე (1997-2002)

• 1999 - ღირსების ორდენი
  აგრარული მეცნიერების განვითარებაში, ახალგაზრდა მაღალკვალიფიციური კადრების მომზადებაში შეტანილი პირადი დიდი წვლილის, ნაყოფიერი სამეცნიერო და საზოგადოებრივი მოღვაწეობისათვის

• Корни грузинской науки : [Краткий обзор истории формирования груз. науки, ее истоков этапов развития] (თანაავტორი). - Тбилиси, Изд-во Груз. Нац. АН, 2016. - 72с.. - ISBN: 9789941085871
• გამოყენებითი ბიომეცნიერებები: ინტელექტუალური საკუთრება, კანონმდებლობა და კომერციალიზაცია : [დამხმ. სახელმძღვ.] (ავტორი). - თბილისი, 2012. - 120გვ.. - ISBN: 9789941042928
• ენერგეტიკის სექტორი საქართველოში (ავტორი). - თბილისი, 1998. - 83გვ.
• სოფლის მეურნეობის განვითარება საქართველოში: პრობლემები და პერსპექტივები (ავტორი). - თბილისი, გაერთ. ერების განვითარების პროგრამა-საქართველო, 1997. - 85გვ.