დავით დარჩიაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1987 წელს, ასპირანტურა 1990 წელს; ჯორჯ მარშალის უსაფრთხოების კვლევის ცენტრის კურსდამთავრებული (გერმანია, 2001).

1990-1991წწ. იყო გაზეთ "ქართველი ერის" (ტრადიციონალისტთა კავშირის ორგანო) რედაქტორი; ტელეკომპანია "იბერვიზიის" თანამშრომელი (1992); 1992 წლიდან მშვიდობის, დემოკრატიისა და განვითარების კავკასიური ინსტიტუტის მკვლევარი, 1996 წლიდან ჯგუფის ხლემძღვანელი; 1991-2004წწ. თბილისის სახელმწიფო უნივერსიტეტის რუსეთის ისტორიის კათედრის მეცნიერ-თანამშრომელი; საქართველოს პარლამენტის კვლევითი დეპარტამენტის ხელმძღვანელი; 1997 წლიდან არის სამხედრო-სამოქალაქო ურთიერთობების და უსაფრთხოების კვლევის ცენტრის (კავკასიური ინსტიტუტი) დირექტორი; 2004-2008წწ. ფონდის - "ღია საზოგადოება-საქართველო" აღმასრულებელი დირექტორი; 2008-2012წწ. საქართველოს მე-7 მოწვევის პარლამენტის წევრი, საარჩევნო ბლოკი: "ერთიანი ნაციონალური მოძრაობა - "გამარჯვებული საქართველოსთვის", საარჩევნო ფორმა: პარტიული სიით; 2012-2016წწ. საქართველოს მე-8 მოწვევის პარლამენტის წევრი, საარჩევნო ბლოკი: "ერთიანი ნაციონალური მოძრაობა - "მეტი სარგებელი ხალხს", საარჩევნო ფორმა:პარტიული სიით; 2006 წლიდან ილია ჭავჭავაძის სახელობის ენისა და კულტურის უნივერსიტეტის პროფესორი. არის ავტორი ნაშრომისა: "Georgia: The Search for the State Security" (USA.1997); მონოგრაფიისა: "ჯარისკაცები, პოლიტიკოსები, მოქალაქენი" (2000). ისტორიულ მეცნიერებათა კანდიდატი, პოლიტიკის მეცნიერებათა დოქტორი.

საკანდიდატო დისერტაციის თემა - "ბათუმი რუსეთის პოლიტიკაში", დაიცვა 1991 წელს; სადოქტორო დისერტაციის თემა - "ეროვნული უსაფრთხოება და სამხედრო-სამოქალაქო ურთიერთობები", დაიცვა 2002 წელს. 

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.147

• მშვიდობის, დემოკრატიისა და განვითარების კავკასიური ინსტიტუტი, გამგეობის წევრი (1996-2004)
• საქართველოს მე-7 მოწვევის პარლამენტი, წევრი (2008-2012)
• საქართველოს მე-7 მოწვევის პარლამენტის ევროპასთან ინტეგრაციის კომიტეტი, კომიტეტის თავმჯდომარე (2008-2012)
• საქართველოს მე-7 მოწვევის პარლამენტის ფრაქცია "ერთიანი ნაციონალური მოძრაობა", წევრი (2008-2012)
• საქართველოს მე-8 მოწვევის პარლამენტი, წევრი (2012-2016)
• საქართველოს მე-8 მოწვევის პარლამენტის ევროპასთან ინტეგრაციის კომიტეტი, წევრი (2012-2016)
• საქართველოს მე-8 მოწვევის პარლამენტის თავდაცვისა და უშიშროების კომიტეტი, კომიტეტის თავმჯდომარის მოადგილე (2012-2016)
• საქართველოს მე-8 მოწვევის პარლამენტის ფრაქცია "ერთიანი ნაციონალური მოძრაობა", წევრი (2012-2016)
• ქართველ ტრადიციონალისტთა კავშირი, წევრი (1990-1991)

• 2011 - ბრწყინვალების საპრეზიდენტო ორდენი

• პოლიტიკოსები, ჯარისკაცები, მოქალაქენი : საქ. ეროვნული უსაფრთხოებისა და სამხ.-სამოქ. ურთიერთობ. ანალიზი (ავტორი). - თბილისი, თბილ. უნ-ტის გამ-ბა, 2000. - 368გვ.. - ISBN: 99928-842-8-2