შოთა ბოსტანაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1972 წელს.

1966-1969წწ. იყო "საქსახპროექტის" არქიტექტორი-ტექნიკოსი; 1970-1972წწ. საქართველოს ტექნიკური უნივერსიტეტის სტუდენტთა საპროექტო ბიუროს არქიტექტორი; 1973-1977წწ. არქიტექტორთა ჯგუფის და 1978-1990წწ. არქიტექტურის განყოფილების ხელმძღვანელი; 1980-1992წწ. არქიტექტურის კათედრის მასწავლებეელი; 1992-1997წწ. დოცენტი; 1998 წლიდან- პროფესორი. არის არქიტექტურის საერთაშორისო აკადემიის პროფესორი, არქიტექტურის დოქტორი(2008). დააარსა თავისუფალ მსმენელთა აუდიტორია და დისციპლინა "არქიტექტურის პოეტიკა"(1990). არის ავტორი პროექტებისა: "ხსოვნის ტაძარი" (სოფ. მუხრანი, 1975-1980); "ხსოვნის კლუბი"(სენაკი, 1975-1979); "შრომის დიდების მემორიალი"(ქუთაისი, 1977-1981); "ნაციონალური პურის ქარხანა"(თბილისი, 1983-1987); "XXIს -ის ცივილიზაციის სივრცე"(ვენეცია, 1988); სახლი-რეზიდენცია (თბილისი, ქობულეთის ქ., 1997-1999); "პოეზიის სასახლე"(თბილისი, სოლოლაკი, 1999-2000) და სხვა. გამოქვეყნებული აქვს რამდენიმე ათეული სამეცნიეროო და ესეისტური წერილი. მისი ლიტერატურული ნაწარმოებები 2004 წლიდან იბეჭდება ჟურნალებში: "მნათობი", "აფრა", "ჩვენი მწერლობა". არის  საერთაშორისო კონკურსის "XXI-ის ცივილიზაციის სივრცე" I პრემიის ლაურეატი (1988), აშშ-ის ბიოგრაფიული ცენტრის მიერ დასახელებულია "2005 წლის ადამიანად", ორგზის საერთაშორისო და  ოთხგზის სსრკ პრემიების ლაურეატი. მისი ბიოგრაფია შესულია აშშ გამოჩენილ ადამიანთა ბიოგრაფიული ცენტრის ცნობარში (ტ.33, 2005). 

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.82; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.133

• აღმოსავლეთის ქვეყნების საერთაშორისო აკადემია, ნამდვილი წევრი (1999-)
• საქართველოს არქიტექტორთა კავშირი, წევრი (1974-)

• 1998 - ღირსების ორდენი
  ქართული არქიტექტურის განვითარებაში შეტანილი პირადი დიდი წვლილისათვის, საქართველოში ებრაული მატერიალური კულტურის ძეგლების მეცნიერულად შესწავლისა და ნაყოფიერი პედაგოგიური მოღვაწეობისათვის

• ოთხი ლაპარაკი (ავტორი). - თბილისი, უნივერსალი, 2012. - 89გვ.. - ISBN: 978-9941-17-552-7
• ბუცა = Butza : ხუროთმოძღვარი ვიქტორ ჯორბენაძე : ესსე, პოეტიკა, სემიოტიკა, კრიტიკული დისკურსი (ავტორი). - თბილისი, უნივერსალი, 2012. - 218გვ.. - ISBN: 978-9941-17-626-5
• სინაგოგებისა და ებრაული სასაფლაოების არქიტექტურა საქართველოში (ავტორი). - თბილისი, 1998