იულონ გაგოშიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1958 წელს.

1961-1965წწ. იყო ს. ჯანაშიას სახელობის საქართველოს სახელმწიფო მუზეუმის უმცროსი მეცნიერ-თანამშრომელი; 1966-1970წწ. სწავლული მდივანი; 1971-1985წწ. უფროსი და 1985-1988წწ. მთავარი მეცნიერ-თანამშრომელი; 1989-1991წწ. არქეოლოგიის განყოფილების ხელმძღვანელი; 1991 წელს მცხეთის პრეფექტი; 2004-2008წწ. საქართველოს ეროვნული მუზეუმის მთავარი მეცნიერ-თანამშრომელი, შემდგომ მეცნიერ-კონსულტანტი; 2008-2009წწ. დიასპორის საკითხებში საქართველოს სახელმწიფო მინისტრი. გამოქვეყნებული აქვს 300-ზე მეტი სამეცნიერო ნაშრომი (8 მონოგრაფია) ქართულ, რუსულ, ინგლისურ, გერმანულ, ფრანგულ, აზერბაიჯანულ და სპარსულ ენებზე. 1978-2003წწ. კითხულობდა ლექციებს საქართველოს, გერმანიის და დანიის უნივერსიტეტებში. მიღებული აქვს მართმადიდებელ ჰოსპიტალიერთა უწმინდესი ორდენის "გამარჯვების მედალი" (2009) საქართველოს მორალური გამარჯვების მოპოვებისთვის დამოუკიდებლობისა და ტერიტორიებისათვის რუსეთის წინააღმდეგ, "ბრიტანეთის ომის მედალი - 1914-1918".

საკანდიდატო დისერტაციის თემა - "ადრეანტიკური ხანის საქართველოს ნივთიერი კულტურის ძეგლები", დაიცვა 1965 წელს; სადოქტორო დისერტაციის  თემა - "საქართველო ქრისტეშობამდე V-I საუკუნეებში", დაიცვა 1984 წელს.

• გელათის მეცნიერებათა აკადემია, აკადემიკოსი (1996-)
• თბილისის საკრებულო, წევრი (2004-2006)

• 2005 - ღირსების ორდენი

• ფული საქართველოში (თანაავტორი). - თბილისი, 2000. - 280გვ. - ISBN: 99928-0-035-6
• ქართველი ქალის სამკაული (ავტორი). - თბილისი, ხელოვნება, 1981. - 221გვ.
• ადრეანტიკური ხანის ძეგლები ქსნის ხეობიდან (ავტორი). - თბილისი, მეცნიერება, 1964. - 109გვ.