არჩილ ძიძიგური

დაბადების ადგილი: ქ. ქუთაისი.

დაამთავრა საქართველოს ინდუსტრიული ინსტიტუტის სამთო ფაკულტეტი 1938 წელს.

1952-1957წწ. განაგებდა საქართველოს მეცნიერებათა აკადემიის ლითონისა და სამთო საქმის ინსტიტუტის სამთო განყოფილებას, რომლის ბაზაზეც მისი ინიციატივით 1957 წელს ჩამოყალიბდა საქართველოს მეცნიერებათა აკადემიის სამთო საქმის ინსტიტუტი, რომლის პირველი დირექტორიც თვითონ იყო 1973 წლამდე. 1968-1970წწ. განაგებდა საქართველოს პოლიტექნიკური ინსტიტუტის სამთო მანქანების, მაღაროს სტაციონარული დანადგარებისა და ტრანსპორტის კათედრას. 1973 წელს დაინიშნა საქართველოს პოლიტექნიკური ინსტიტუტის რექტორად. ამ თანამდებობაზე იგი 1981 წლამდე მუშაობდა. მისი სამეცნიერო მოღვაწეობის სფერო მოიცავდა სამთო საქმის თითქმის ყველა მიმართულებას. ა. ძიძიგურის უშუალო მონაწილეობითა და ხელმძღვანელობით შესრულდა ფუნდამენტური გამოკვლევები საშახტო სტაციონარული დანადგარების, საშახტო ჰიდროაერომექანიკისა და სავენტილაციო სისტემის, სამთო თბოფიზიკის, მილსადენი ტრანსპორტისა და მრავალფაზოვანი ნაკადების, საბურღი დანადგარების რეჟიმების აქტუალური პრობლემების გადასაწყვეტად. ავტორია 300-ზე მეტი მეცნიერული ნაშრომისა, მათ შორისაა 10 მონოგრაფია, 5 სახელმძღვანელო და 40-ზე მეტი გამოგონება. 

წყარო: ქარტული საბჭოთა ენციკლოპედია: ტ. 11.-თბ., 1987.-გვ.278; საქართველოს ტექნიკური უნივერსიტეტის ვებ-გვერდი: gtu.ge; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.266

• საქართველოს მეცნიერებათა აკადემია, აკადემიკოსი (1969-)
• საქართველოს მეცნიერებათა აკადემიის პრეზიდიუმი, მრჩეველი (1988-)
• საქართველოს მეცნიერებათა აკადემიის პრეზიდიუმი, წევრი (1978-1988)

• 1995 - ღირსების ორდენი
• 1980 - ბათუმის საპატიო მოქალაქე
• 1974 - გიორგი ნიკოლაძის სახელობის პრემია
• 1973 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  სახელმძღვანელოს შექმნისათვის "შახტი-ლაბორატორია: უმაღლესი სკოლის სასწავლო-საწარმოო ბაზის ახალი ფორმა"
• ლენინის ორდენი
• შრომის წითელი დროშის ორდენი

• საშახტო სტაციონარული მანქანები (ტუმბოები, ვენტილატორები) : დამხმ. სახელმძღვ. (ავტორი). - თბილისი, ტექნ. უნ-ტის გამ-ბა, 1997. - 170გვ.
• სანგრევი ინსტრუმენტისა და ქანის ურთიერთქმედების პროცესების ოპტიმიზაცია (რედაქტორი). - თბილისი, მეცნიერება, 1995. - 196გვ.. - ISBN: 5-520-01586-4
• სამთო მრეწველობის განვითარების პერსპექტივები საქართველოში : ლექტორის დასახმარებლად (ავტორი). - თბილისი, საქ. სსრ საზ-ბა "ცოდნა", 1985. - 31გვ.
• ქართული სამთო მეცნიერება სკკპ XXII ყრილობის შესახვედრად (ავტორი). - თბილისი, საქ. სსრ მეცნ. აკად. გამ-ბა, 1961. - 55გვ.