პაატა იმნაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის პედიატრიის ფაკულტეტი 1976 წელს.

1992-2010წწ. დაავადებათა კონტროლის ეროვნული ცენტრის დირექტორი; 1997 წელს იყო თბილისის სახელმწიფო უნივერსიტეტის საზოგადოებრივი ჯანდაცვის კათედრის დოცენტი; 1997–1998წწ. მერილენდის უნივერსიტეტის მეცნიერ მუშაკი; 2005 წლიდან არის თბილისის სახელმწიფო უნივერსიტეტის ჯანდაცვის კათედრის სრული პროფესორი; 2013 წლიდან დაავადებათა კონტროლის ეროვნული ცენტრის დირექტორის მოადგილე და ლუგარის კვლევითი ცენტრის ხელმძღვანელია. ასხუთი სამეცნიერო ნაშრომისა და მიკრობიოლოგიის ორი სახელმძვანელოს ავტორი.

საკანდიდატო დისერტაციის თემა – "ახალშობილთა და ჩვილ ბავშვთა ნაწლავის მიკროფლორა და იმუნური სტატუსი", დაიცვა 1983 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.130

• დაავადებათა კონტროლის ეროვნული ცენტრის სამეცნიერო საბჭო, თავმჯდომარე
• ჯანმრთელობის მსოფლიო ორგანიზაციის ტროპიკულ დაავადებათა კვლევის ევროპის რეგიონის იმუნიზაციის ექსპერტთა კომიტეტი, წევრი (2004-)
• ჯანმრთელობის მსოფლიო ორგანიზაციის ტროპიკულ დაავადებათა კვლევის საკოორდინაციო საბჭო, წევრი (2003-2006)

• 2020 - თბილისის საპატიო მოქალაქე
• 2003 - ღირსების ორდენი
• 2002 - ჯანმრთელობის მსოფლიო ორგანიზაციის საპატიო მედალი

• ინფექციური და პარაზიტული დაავადებების ეპიდზედამხედველობა და კონტროლი საქართველოში : მეთოდ. მითითებები საზ-ვი ჯანდაცვის სამსახურისათვის : საქ. ჯანდაცვის საინფორმ. სისტემისა და დაავადებათა ეპიდზედამხედველობის რეფორმის პროექტი USAID (ავტორი). - თბილისი, 2004. - 157გვ.
• სამედიცინო მიკრობიოლოგია (თანაავტორი). - თბილისი, კვარი, 1997. - 431გვ.