ქეთევან ლომთათიძე

დაბადების ადგილი: სოფელი ხიდისთავი, ჩოხატაურის მუნიციპალიტეტი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტის საენათმეცნიერო განყოფილება 1931 წელს.

1932-1934წწ. მუშაობდა მეცნიერ თანამშრომლად საქართველოს სახელმწიფო მუზეუმსა და ქართული ენციკლოპედიის რედაქციაში; 1938-1940წწ. უძღვებოდა ზოგადი ენათმეცნიერების კურსს სოხუმის პედაგოგიურ ინსტიტუტში. სამეცნიერო-პედაგოგიური მოღვაწეობას ეწეოდა საქართველოს მეცნიერებათა აკადემიასა და თბილისის სახელმწიფო უნივერსიტეტში; 1953-1963 წლებსა და 1975-1987 წლებში - საქართველოს მეცნიერებათა აკადემიის არნ. ჩიქობავას სახელობის ენათმეცნიერების ინსტიტუტის დირექტორი, 1987 წლიდან გარდაცვალებამდე - ამავე ინსტიტუტის დირექციის მრჩეველი. თბილისის სახელმწიფო უნივერსიტეტში იკვლევდა აფხაზურ-ადიღური, აგრეთვე ქართველური ენების გრამატიკის სტრუქტურისა და ისტორიის საკითხებს. საფუძველი ჩაუყარა აფხაზური ენისა და მისი დიალექტების ისტორიულ-შედარებითი მეთოდით შესწავლას.  

ფილოლოგიის მეცნიერებათა დოქტორი, პროფესორი, საქართველოს მეცნიერებათა აკადემიის აკადემიკოსი.

წყარო: ქართული საბჭოთა ენციკლოპედია: ტ. 6.-თბ., 1983.-გვ.285; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.128; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.325; საქართველო: ენციკლოპედია: ტ.5. -თბ.,2023. -გვ.414

• საქართველოს მეცნიერებათა აკადემია, აკადემიკოსი (1979-2007)

• 2000 - საქართველოს სახელმწიფო პრემია, მეცნიერებისა და ტექნიკის დარგში
  ჰუმანიტარულ მეცნიერებათა დარგში 1976-1997 წლებში გამოცემულ შრომათა ციკლისათვის "ქართველიურ და აფხაზურ-ადიღეურ ენათა კვლევის სფერო"
• 1996 - ღირსების ორდენი
• 1987 - თბილისის საპატიო მოქალაქე
• 1981 - ოქტომბრის რევოლუციის ორდენი
• 1962 - საქართველოს მეცნიერებათა დამსახურებული მოღვაწე
• 1961 - აფხაზეთის ასსრ მეცნიერებათა დამსახურებული მოღვაწე
• 1960 - ლენინის ორდენი
• 1953 - საპატიო ნიშნის ორდენი

• აბაზური ენა (ავტორი). - თბილისი, უნივერსალი, 2006. - 210გვ.
• კომპლექსთაგან მომდინარე ბილაბიალური ხშულები ქართველურ ენებში (ავტორი). - თბილისი, მეცნიერება, 1984. - 68გვ.
• ლოკალურ პრევერბთა ძირითადი სახეობანი და მათი გაფორმება აფხაზურსა და აბაზურში (ავტორი). - თბილისი, მეცნიერება, 1981. - 101გვ.
• აშხარული დიალექტი და მისი ადგილი სხვა აფხაზურ-აბაზურ დიალექტთა შორის : ტექსტებითურთ (ავტორი). - თბილისი, საქ. სსრ მეცნ. აკად. გამ-ბა, 1954. - 350გვ.
• აფხაზური ენის ტაპანთური დიალექტი : ტექსტებითურთ (ავტორი). - თბილისი, საქ. სსრ. მეცნ. აკად. გამ-ბა, 1944. - 402გვ.