თამაზ კვაჭანტირაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1963 წელს.

1963-2006წწ. იყო ახალი ქართული ენის კათედრის თანამშრომელი; 1978-1990წწ. ჟურნალის – "ქართული ენა და ლიტერატურა სკოლაში" ("ბალავარი") რედაქტორი; 1975-1990წწ. ავტორი და წამყვანი საავტორო ტელეციკლისა "ტელეციკლი ქართულ ენასა და ლიტერატურაში", 2002-2004წწ. "მოგზაურობა სასიტყვეთში"; 1993-1998წწ. განათლების მინისტრი; 2000-2008წწ. საქართველოს პარლამენტის სასწავლო ცენტრის უფროსი; 2008-2012წწ. საქართველოს მე-7 მოწვევის პარლამენტის წევრი, საარჩევნო ბლოკი: "გიორგი თარგამაძე - ქრისტიან-დემოკრატები", საარჩევნო ფორმა: მაჟორიტარული, მაჟორიტარი, N2 ვაკის საარჩევნო ოლქი. არის ავტორი წიგნებისა: "მსგავსებითი შედარება ქართულში" (1977), "ჰა ბურთი, ჰა მოედანი" (2002), "მოგზაურობა სასიტყვეთში" (2002). საკანდიდატო დისერტაციის თემა – "მსგავსებითი შედარება ქართულში", დაიცვა 1978 წელს.

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ.,2015.-გვ. 200; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.168

• საქართველოს მე-7 მოწვევის პარლამენტი, წევრი (2008-2012)
• საქართველოს მე-7 მოწვევის პარლამენტის განათლებისა და კულტურის კომიტეტი, თავმჯდომარის მოადგილე (2008-2012)
• საქართველოს მე-7 მოწვევის პარლამენტის ფრაქცია "ქრისტიან–დემოკრატები", წევრი (2008-2012)
• საქართველოს მწერალთა ეროვნული კავშირი, წევრი (1977-)
• საქართველოს ჟურნალისტთა კავშირი, წევრი (1980-)

• 2011 - შოთა რუსთაველის სახელობის სახელმწიფო პრემია
• 2004 - საქართველოს სახელმწიფო პრემია
• 2001 - ღირსების ორდენი

• ჰა, ბურთი, ჰა მოედანი : წერილები, დიალოგები, თარგმანები (ავტორი). - თბილისი, სამშობლო, 2002. - 216გვ.. - ISBN: 99928-26-98-3
• სიტყვა : პუბლიცისტიკა, კრიტიკა, ესეისტიკა, საჯარო გამოსვლები, დიალოგები (ავტორი). - თბილისი, სამშობლო ფორტე, 2002. - 568გვ.
• სასიტყვეთი : სიტყვიერების მასწავლებლისა და უფროსკლასელის შემხიდებელი (ავტორი). - თბილისი, 2002. - 608გვ.