თინათინ ყაუხჩიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტის ქართული ენისა და ლიტერატურის განყოფილება 1941 წელს.

1945-1999წწ. იყო საქართველოს მეცნიერებათა აკადემიის ისტორიის ინსტიტუტის უფროსი მეცნიერ-თანამშრომელი; 1999-2006წწ. საქართველოს ეროვნული აკადემიის ისტორიისა და ეთნოგრაფიის ინსტიტუტის წამყვანი მეცნიერ-თანამშრომელი. კითხულობდა ლექციებს ლენინგრადის, იენისა და ლაიფციგის უნივერსიტეტებში. მეცნიერულ ინტერესს იწვევდა: ბერძნული ეპიგრაფიკა, ანტიკური წყაროები საქართველოს შესახებ, ასევე ანტიკური ლიტერატურა, კერძოდ,  ძველი ბერძნული ენა. 120-მდე სამეცნიერო ნაშრომის ავტორია, მათ შორის 19 წიგნია. მისი შრომები გამოქვეყნებულია სხვადასხვა ქვეყნებში: რუსეთში, გერმანიაში, საფრანგეთში, იტალიასა და ბულგარეთში.

წყარო: ქართული საბჭოთა ენციკლოპედია: ტ.10.-თბ,1986.-გვ.631; სამხრეთ კავკასია - ფემინიზმი და გენდერული დემოკრატია: feminism-boell.org; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.244

• ვილკენმანის საზოგადოების პრეზიდიუმი, წევრი (1971-)
• საქართველოს ისტორიული წყაროების კომისიის უცხოური წყაროების კომისია, თავმჯდომარე (1982-)
• საქართველოს მეცნიერებათა აკადემია, აკადემიკოსი (1993-2011)
• სსრკ-საბერძნეთის საზოგადოების პრეზიდიუმი, წევრი (1981-)

• 2008 - სიმონ ყაუხჩიშვილის სახელობის პრემია
• 1999 - ღირსების ორდენი
  საქართველოს ანტიკური წყაროების შესწავლაში შეტანილი პირადი დიდი წვლილისათვის, ნაყოფიერი სამეცნიერო, პედაგოგიური და საზოგადოებრივი მოღვაწეობისათვის
• 1975 - საქართველოს მეცნიერებათა დამსახურებული მოღვაწე

• საქართველოს ისტორიის ძველი ბერძნული წყაროები (ავტორი). - თბილისი, თბილ. უნ-ტის გამ-ბა, 1976. - 296გვ.
• ჰიპოკრატეს ცნობები საქართველოს შესახებ (ავტორი). - თბილისი, მეცნიერება, 1965. - 85გვ.
• ჰეროდოტეს ცნობები საქართველოს შესახებ (ავტორი). - თბილისი, საქ. სსრ მეცნ. აკად. გამ-ბა, 1960. - 153გვ.
• სტრაბონის გეოგრაფია : ცნობები საქართველოს შესახებ (ავტორი). - თბილისი, საქ. სსრ მეცნ. აკად. გამ-ბა, 1957. - 302გვ.
• ბერძნული წარწერები საქართველოში (ავტორი). - თბილისი, საქ. სსრ მეცნ. აკად. გამ-ბა, 1951. - 379გვ.