ფილიპე ზაიცევი

დაბადების ადგილი: ქ. კიევი.

დაამთავრა პეტერბურგის უნივერსიტეტი 1900 წელს.

1902 წელს იგი იწყებს დიდ სამუშაოს ნოვგოროდის გუბერნიის ხეშეშფრთიანი და ქერცლფრთიანი მწერების ფაუნის შედგენილობის შესასწავლად. 1911 წელს მიწადმოქმედების დეპარტამენტის დავალებით მიავლინეს თბილისში და დაავალეს ამიერკავკასიაში გამოყენებით ენტომოლოგიაში სამეცნიერო-კვლევითი მუშაობის მოწყობა და ამასთან დაკავშირებით თბილისის ბოტანიკურ ბაღთან ენტომოლოგიური კაბინეტის დაარსება. ამ წლიდან სიცოცხლის ბოლომდე ფ. ზაიცევმა მთელი თავისი ცოდნა და გამოცდილება მიუძღვნა საქართველოში და, საერთოდ კავკასიაში ფაუნის შესასწავლად სამეცნიერო-კვლევითი მუშაობის ორგანიზაციის საქმეს. 1920 წელს იგი სათავეში ჩაუდგა თბილისის სახელმწიფო უნივერსიტეტის ჰისტოლოგიის კათედრას. 1920-1928წწ. იგი თბილისის პოლიტექნიკური ინსტიტუტის სასოფლო-სამეურნეო ფაკულტეტის პროფესორი და დეკანია, ხოლო 1929-1936წწ. - რექტორი. ფ. ზაიცევის მეცნიერული ინტერესების სფერო იყო ენტომოლოგია, რომელსაც მან მთელი თავისი ცხოვრება მიუძღვნა. იგი 125-ზე მეტი სამეცნიერო ნაშრომის ავტორია.

წყარო: ქართული საბჭოთა ენციკლოპედია: ტ. 4.-თბ.,1979.- გვ. 475; საქართველო: ენციკლოპედია: georgianencyclopedia.ge; geonecropol.com

• კავკასიის სოფლის მეურნეობის საზოგადოება, წევრი
• კავკასიის ცხოველთა აკლიმატიზაციის საზოგადოება, წევრი
• მოსკოვის ენტომოლოგიური საზოგადოება, წევრი
• რუსეთის გეოგრაფიული საზოგადოება, წევრი (1911-)
• რუსეთის ენტომოლოგიური საზოგადოება, წევრი (1905-1910)
• რუსეთის მეხილეობის საზოგადოება, წევრი
• საერთაშორისო ენტომოლოგიური კონგრესების ორგანიზაციის მუდმივი კომიტეტი, წევრი (1910-)
• საქართველოს მეცნიერებათა აკადემია, აკადემიკოსი (1941-)
• სრულიად საკავშირო ენტომოლოგიური საზოგადოება, წევრი (1948-)
• ჩრდილო კავკასიის შესწავლის სტავროპოლის საზოგადოება, წევრი

• 1951 - ლენინის ორდენი
• 1946 - მედალი "შრომითი მამაცობისთვის"
• 1946 - საქართველოს მეცნიერებათა დამსახურებული მოღვაწე
• 1944 - მედალი "კავკასიის დაცვისთვის"
• საპატიო ნიშნის ორდენი

• საქართველოში სასოფლო-სამეურნეო კულტურებისათვის მავნე ხეშეშფრთიანების სარკვევი (ავტორი). - თბილისი, საქ. სსრ მეცნ. აკად. გამ-ბა , 1956. - 132გვ.
• К распространению на Кавказе видов трибы Donacini (Coleoptera, Chrysomelidae) (ავტორი) // "Вестн. Музея Грузии"; Вып. V. - Тифлис, 1929. - с.105-114
• Обзор Кавказских представителей трибы Brachinina (Coleoptera, Carabidae) (ავტორი) // საქართველოს მუზეუმის მოამბე. - ტფილისი, 1927. - с.45-62
• Как бороться с тлей на хлопчатнике (ავტორი). - Тифлис, Закав. хлопковый ком., 1925. - 13с.