ზაზა სიხარულიძე

დაბადების ადგილი: ქ. ბათუმი.

დაამთავრა თბილისის სახელმწიფო ინივერსიტეტის აღმოსავლეთმცოდნეობის ფაკულტეტი 1982 წელს; თბილისის ბიზნესისა და სამართლის საერთაშორისო უნივერსიტეტის იურიდიული ფაკულტეტი 2003 წელს.

1991 წელს იყო თბილისის ბიზნესისა და სამართლის საერთაშორისო უნივერსიტეტის პროფესორი; 1992 წელს თბილისის ბიზნესისა და სამართლის საერთაშორისო უნივერსიტეტის რექტორი; 1991 წლიდან გაზეთ "ღვთისშვილის" დამფუძნებელი და რედაქტორი;  1992-1995წწ. საქართველოს მე-3 მოწვევის პარლამენტის წევრი, საარჩევნო ბლოკი: "საქართველოს ღვთისშვილთა კავშირი", საარჩევნო ფორმა: პარტიული სიით. 2003–2004წწ. საქართველოს პრეზიდენტობის კანდიდატი. არის პუბლიკაციებისა და ოთხი წიგნის ავტორი, მათ შორის: 1992 წელს "სიცოცხლე სიყვარულისთვის", 1995 წელს "სიყვარულის დღესასწაული"(ლექსებისა და თარგმანების კრებული) და სხვა.

სადოქტორო დისერტაციის თემა – "არაბულ–ქართული ლექსიკური ურთიერთობებიდან", დაიცვა 1989 წელს.

წყარო: საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.313; საქართველოს პარლამენტის ვებგვერდი: old.parliament.ge

• საქართველოს ეროვნული კონგრესი და ფორუმი, წევრი (1990-)
• საქართველოს ეროვნული კონგრესის სოციალურ საქმეთა კომისია, თავმჯდომარე (1990-)
• საქართველოს ეროვნული ოლიმპიური კომიტეტი, წევრი (1990-)
• საქართველოს მე-3 მოწვევის პარლამენტი, წევრი (1992-1995)
• საქართველოს მე-3 მოწვევის პარლამენტის სოციალურ საკითხთა კომისია, თავმჯდომარე
• საქართველოს ხსნის ეროვნული ფრონტის საორგანიზაციო კომიტეტი, დამფუძნებელი წევრი და თანათავმჯდომარე (2004-)
• სახელმწიფო საკონსტიტიციო კომისია, წევრი (1993-1995)
• სრულიად საქართველოს ინვალიდთა, ვეტერანთა და დევნილთა არასამთავრობო ორგანიზაციის სათათბირო, თავმჯდომარე (2000-)
• ღვთისშვილთა კავშირი, დამფუძნებელი, პრეზიდენტი (1989-)

• ღვთისშვილობის კონცეფციისათვის (ავტორი). - თბილისი, სამშობლო, 1993. - 72გვ.
• სიცოცხლე სიყვარულისთვის (ავტორი). - თბილისი, მერანი, 1992. - 136გვ.