დავით ტვილდიანი

დაბადების ადგილი: სოფელი რცხმელური, ლენტეხის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1955 წელს.

1958–1961წწ. იყო საქართველოს მეცნიერებათა აკადემიის კარდიოლოგიის ინსტიტუტის უმცროსი მეცნიერ თანამშრომელი; 1963 წლიდან საქართველოს მეცნიერებათა აკადემიის კარდიოლოგიური ინსტიტუტის უფროსი მეცნიერ თანამშრომელი; 1961–1969წწ. ჯანდაცვის სამინისტროს თერაპიის ინსტიტუტის უფროსი მეცნიერ თანამშრომელი, კლინიკური ელექტროფიზიოლოგიის განყოფილების გამგე; 1969–1973წწ. თბილისის სახელმწიფო სამედიცინო ინსტიტუტის სამკურნალო, 1973–1975წწ. პედიატრიული ფაკულტეტებისა და საფაკულტეტო თერაპიის კათედრის პროფესორი; 1975–1989წწ. პედიატრიული ფაკულტეტის შინაგან სნეულებათა კათედრის გამგე; 1989–2000წწ. სამკურნალო ფაკულტეტის შინაგან სნეულებათა კათედრის გამგე; 1972–1975წწ. თბილისის სახელმწიფო სამედიცინო ინსტიტუტის სამკურნალო ფაკულტეტის დეკანი; 1989–1995წწ. პრორექტორი სასწავლო დარგში. არის 200–ზე მეტი სამეცნიერო ნაშრომის ავტორი, მათ შორის – 3 გამოგონების, 12 მონოგრაფიისა და სახელმძღვანელოების.

საკანდიდატო დისერტაციის თემა - "კუჭისა და 12–გოჯა ნაწლავის მექანიკური გაღიზიანების გავლენა გულზე", დაიცვა 1958 წელს; სადოქტორო დისერტაციის თემა – "გვირგვინოვანი სისხლის მიმოქცევის მოშლის მოდელირება და მისი პათოგენეზის საკითხები", დაიცვა 1965 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.263; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.78

• ხარისხის მიმნიჭებელი კარდიოლოგიური სამეცნიერო საბჭო, თავმჯდომარე (1995-2000)
• ჯანდაცვის სამინისტროს ექიმთა სასერტიფიკაციო კომისია, თავმჯდომარე (1998-2003)

• 2000 - ღირსების ორდენი
• 1990 - საქართველოს განათლების სამინისტროს პრემია
• 1989 - მილანის უნივერსიტეტის მედალი
• 1966 - სტოკჰოლმის მედიკო–ქირურგიული აკადემიის მედალი

• გულის დაავადებათა ეკგ დიაგნოსტიკა (ავტორი). - თბილისი, სტ. "ნანი", 2007. - 352გვ.
• კლინიკური ელექტროკარდიოგრაფია (ავტორი). - თბილისი, განათლება, 1991. - 416გვ.
• გულ-სისხლძარღვთა სისტემის ფუნქციური მდგომარეობის გამოკვლევის ზოგიერთი თანამედროვე მეთოდის შესახებ (ავტორი). - თბილისი, საბჭ. საქართველო, 1964. - 147გვ.