გიორგი ხუბუა

დაბადების ადგილი: სოფელი უშაფათი, სენაკის რაიონი.

დაამთავრა აფხაზეთის სახელმწიფო უნივერსიტეტის იურიდიული ფაკულტეტი "სამართალმცოდნეობის" სპეციალობით 1985 წელს; თბილისის სახელმწიფო უნივერსიტეტის ასპირანტურა, სახელმწიფოსა და სამართლის თეორიის სპეციალობით 1990 წელს.

1991-1998წწ. - საქართველოს მეცნიერებათა აკადემიის სახელმწიფოსა და სამართლის ინსტიტუტის მეცნიერ-თანამშრომელი; 1998 წლიდან – ამავე ინსტიტუტის დირექტორის მოადგილე სამეცნიერო დარგში; 1999 წლიდან – ამავე ინსტიტუტის დირექტორი; 2005 წლიდან – თბილისის სახელმწიფო უნივერსიტეტის სამართლის მეთოდების, სამართლის ფილოსოფიისა და სამართლის სოციოლოგიის პროფესორი; 2006-2010წწ. - თბილისის სახელმწიფო უნივერსიტეტის რექტორი; 2010-2012წწ. - ფრიდრიხ-შილერის სახელობის იენის უნივერსიტეტი (გერმანია); 2012-2013წწ. - ბამბერგის უნივერსიტეტი (გერმანია), პროფესორი; 2013 წლიდან - გერმანულ-ქართული სახელმწიფო მართვის ინსტიტუტის აკადემიური დირექტორი; მიუნხენის ტექნიკურ უნივერსიტეტის მიმართულების "ენერგია და გეოპოლიტიკა" აკადემიური ხელმძღვანელი. 40-ზე მეტი სამეცნიერო შრომის, მათ შორის 7 მონოგრაფიისა და ერთი სახელმძღვანელოს ავტორი. იურიდიულ მეცნიერებათა დოქტორი (2001), პროფესორი.

საკანდიდატო დისერტაციის თემა - "კანონის კონცეფცია სამართლებრივ სახელმწიფოში", დაიცვა 1991 წელს; სადოქტორო დისერტაციის თემა - "ფეოდალიზმი, როგორც ნორმატიული პრინციპი და პოლიტიკური წესრიგი", დაიცვა 2001 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.562; თბილისის სახელმწიფო უნივერსიტეტი: tsu.ge

• კანონმდებლობის ხელშემწყობი ევროპული საზოგადოება, წევრი
• პოლიტიკურ მეცნიერებათა საერთაშორისო ასოციაცია, წევრი
• სამართლის ფილოსოფიის, თეორიისა და სამართლის სოციოლოგიის საერთაშორისო გაერთიანება, წევრი

• სამართლის თეორია : იურიდ. ფაკ. სტუდ. (ავტორი). - თბილისი, მერიდიანი, 2004. - 220გვ.. - ISBN: 99928-32-92-4
• კონსტიტუციური მართლმსაჯულება გერმანიაში (ავტორი). - თბილისი, 2001. - 160გვ.
• ფედერალიზმი როგორც ნორმატიული პრინციპი და პოლიტიკური წესრიგი : იურიდ. ფაკ. სტუდ. (ავტორი). - თბილისი, ბიბლიოგრ, 2000. - 524გვ.