ლალი ფაფიაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის იურიდიული ფაკულტეტი 1994 წელს. 

1996–2000წწ. იყო საქართველოს პარლამენტის საკონსტიტუციო, იურიდიულ საკითხთა და კანონების კომიტეტის უფროსი სპეციალისტი, წამყვანი სპეციალისტი; 2000–2001წწ. საგარეო ურთიერთობათა კომიტეტის აპარატის უფროსი; 2001–2003წწ. პარლამენტის თავმჯდომარის პირველი თანაშემწე; 2003–2004წწ. პროტოკოლის განყოფილების გამგე; 2004-2007წწ. საქართველოს მე-6 მოწვევის პარლამენტის წევრი, საარჩევნო ბლოკი: "ნაციონალური მოძრაობა - დემოკრატები", საარჩევნო ფორმა: პარტიული სიით; 2006-2007წწ. იყო რუსეთის ხელისუფლების მიერ საქართველოს მოქალაქეთა მიმართ განხორციელებული ქმედებების შემსწავლელი დროებითი საგამოძიებო კომისიის წევრი; 2006 წლიდან არის ადამიანით ვაჭრობის (ტრეფიკინგის) წინააღმდეგ მიმართული ღონისძიებების განმახორციელებელი საუწყებათაშორისო საკოორდინაციო საბჭოს წევრი; 2006-2011წწ. იყო  ადამიანით ვაჭრობის (ტრეფიკინგის) წინააღმდეგ მიმართული ღონისძიებების  განმახორციელებელი საუწყებათაშორისო საკოორდინაციო საბჭოს წევრი; 2008-2011წწ. ადამიანით ვაჭრობის (ტრეფიკინგის) მსხვერპლის სტატუსის მიმნიჭებელი მუდმივმოქმედი სამუშაო ჯგუფის წევრი; 2008-2013წწ. ოჯახში ძალადობის წინააღმდეგ ბრძოლის საუწყებათაშორისო საკოორდინაციო საბჭოს თავმჯდომარე; 2011 წლიდან არის თბილისის სახელმწიფო უნივერსიტეტის იურიდიული ფაკულტეტის სრული პროფესორი, სისხლის საპროცესო სამართლის ცენტრის ხელმძღვანელი; 2007-2017წწ. საქართველოს საკონსტიტუციო სასამართლოს წევრი (2007 წლის 28 დეკემბერს საქართველოს პარლამენტის მიერ არჩეულ იქნა საქართველოს საკონსტიტუციო სასამართლოს წევრად); 2016 წლის 2 ნოემბერიდან 2018 წლის 1 იანვრამდე სასამართლოს პლენუმის მიერ არჩეული იყო  საქართველოს საკონსტიტუციო სასამართლოს თავმჯდომარის მოადგილედ; 2019 წლის 12 დეკემბრიდან არჩეულია საქართველოს უზენაესი სასამართლოს მოსამართლედ უვადოდ, ორგანული კანონით დადგენილი ასაკის მიღწევამდე. გამოქვეყნებული აქვს 30-მდე სამეცნიერო ნაშრომი და ერთი მონოგრაფია; არის ორი სახელმძღვანელოს თანაავტორი. მონაწილეობდა UNCEF-ის (1997),  TACIS-ის (1998-1999), TracCC-ის(2002) პროექტებსა და საერთაშორისო კონფერენციებში. მიღებული აქვს შვეიცარიის მთავრობისა და შვეიცარიის საერთაშორისო ურთიერთობათა ინსტიტუტის ერთობლივი ყოველწლიური ჯილდო "შვეიცარიის პრიზი საერთაშორისო ურთიერთობებში ლიდერობისათვის" (2006); ახალი ორლეანის საპატიო მოქალაქის წოდება (1999). იურიდიულ მეცნიერებათა კანდიდატი.

საკანდიდატო დისერტაციის თემა - "დაცვის პრობლემა სისხლის სამართლის პროცესში", დაიცვა 1997 წელს.

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.327; საქართველოს უზენაესი სასამართლო: supremecourt.ge

• ახალგაზრდა იურისტთა ასიციაცია, წევრი (1996-2005)
• ეუთოს საპარლამენტო ასამბლეის ადამიანის უფლებების და ჰუმანიტარულ საკითხთა კომიტეტი, წევრი (2004-2007)
• ვილტონ პარკის საერთაშორისო ასოციაცია, წევრი (2005-)
• ორგანიზაცია "პარლამენტარები გლობალური ქმედებისათვის" (აშშ), გამგეობის წევრი (2005-2007)
• საქართველოს მე-6 მოწვევის პარლამენტი, წევრი (2004-2007)
• საქართველოს მე-6 მოწვევის პარლამენტის ადამიანის უფლებათა დაცვის და სამოქალაქო ინტეგრაციის კომიტეტი, თავმჯდომარის მოადგილე (2004-2007)
• საქართველოს მე-6 მოწვევის პარლამენტის იურიდიულ საკითხთა კომიტეტი, წევრი (2004-2005)
• საქართველოს მე-6 მოწვევის პარლამენტის საგარეო ურთიერთობათა კომიტეტი, წევრი (2004-2005)
• საქართველოს მე-6 მოწვევის პარლამენტის ფრაქცია "ნაციონალური მოძრაობა - დემოკრატები", წევრი (2004-2007)

• როგორ მივმართოთ ადამიანის უფლებათა დაცვის ევროპულ სასამართლოს (ავტორი). - თბილისი, ლეგა, 2001. - 143გვ.. - ISBN: 99928-840-2-9