არჩილ ფრანგიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი 1983 წელს.

1987–1988წწ. საქართველოს პოლიტექნიკური უნივერსიტეტის უმცროსი მეცნიერ თანამშრომელი, 1988–1990წწ. სექტორის და ლაბორატორიის გამგე; 1990–2001წწ. ინფორმატიკისა და მართვის სისტემების ინსტიტუტის დირექტორის მოადგილე; 1993 წლიდან კომპიუტერული სისტემების და ქსელების კათედრის პროფესორი; 1992-2005წწ. კომპიუტერული და ინფორმაციული ტექნოლოგიების სამეცნიერო-კვლევითი ლაბორატორიის სამეცნიერო ხელმძღვანელი; 2005–2008წწ. საქართველოს ტექნიკური უნივერსიტეტის რექტორის მოადგილე; 2002–2005წწ. საქართველოს პრეზიდენტის საგანგებო რწმუნებული ენერგეტიკის სფეროში. 2009-2019წწ. არის საქართველოს ტექნიკური უნივერსიტეტის რექტორი. არის 120 სამეცნიერო ნაშრომის, 9 მონოგრაფიისა და 7 სახელმძღვანელოს ავტორი; მეცნიერების, ტექნიკის და ტექნოლოგიების განვითარებაში აღიარებული წვლილისთვის, აგრეთვე საერთაშორისო საინჟინრო თანამეგობრობის განმტკიცებისთვის საერთაშორისო საინჟინრო აკადემიის პრეზიდენტთა საბჭოს დადგენილებით მიენიჭა მე-20 საუკუნის გამოჩენილი ინჟინრის წოდება (2000), მეცნიერების ისტორიის საქართველოს საზოგადოების მედალი, მეცნიერებაში მიღწეული წარმატების თვის (2005). ტექნიკის მეცნიერებათა დოქტორი, პროფესორი.

სადოქტორო დისერტაციის თემა - "უჯრედოვან ავტომატებზე ინფორმაციის წარმოდგენის და პარალელური დამუშავების პრინციპების შემუშავება" დაიცვა, 1992 წელს. 

წყარო: საქართველოს ტექნიკური უნივერსიტეტი: gtu.ge; საქართველოს მეცნიერებათა ეროვნული აკადემია: science.org.ge;  წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.392

• საერთაშორისო ინფორმატიზაციის აკადემია, ნამდვილი წევრი (1994-)
• საერთაშორისო საინჟინრო აკადემია, ნამდვილი წევრი (1995-)
• საქართველოს ენერგეტიკის აკადემია, ნამდვილი წევრი (2002-)
• საქართველოს მეცნიერებათა აკადემია, წევრ–კორესპონდენტი (1997-)
• საქართველოს საინჟინრო აკადემია, პრეზიდენტი (2007-)
• საქართველოს საინჟინრო აკადემია, ნამდვილი წევრი (1996-)

• 2012 - საქართველოს ეროვნული პრემია
  მეცნიერების და ტექნიკის დარგში ბიომეტრიული კომპიუტერული ტექნოლოგიების დამუშავებისა და დანერგვისათვის
• 2003 - ღირსების ორდენი
• 1996 - ღირსების მედალი
• 1990 - საქართველოს სახელმწიფო პრემია, მეცნიერებისა და ტექნიკის დარგში (მიკროპროცესორული ქსელური სტრუქტურების დამუშავებისა და სერიულ წარმოებაში დანერგვისათვის)

• ნეირონული ქსელები : სახელმძღვ. სტუდ. (თანაავტორი). - თბილისი, ტექნ. უნ-ტი, 2007. - 164გვ.. - ISBN: 978-99940-57-76-4
• სატრანსპორტო ნაკადების მართვისა და დაგეგმარების კომპიუტერული ტექნოლოგიები : : სახელმძღვ. (თანაავტორი). - თბილისი, ტექნ. უნ-ტი, 2007. - 237გვ.. - ISBN: 99940-57-66-9