გელა ლეჟავა

დაბადების ადგილი: ქ. ბათუმი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1960 წელს.

1960-1973წწ. იყო კლინიკური და ექსპერიმენტული ნევროლოგიის სამეცნიერო კვლევითი ინსტიტუტის უმცროსი და უფროსი მეცნიერ თანამშრომელი; 1973-1978წწ. მუშაობდა საქართველოს კომპარტიის ცკ სხვადასხვა თანამდებობაზე; 1978-1986წწ. იყო საქართველოს ჯანდაცვის მინისტრი; 1986-1993წწ. ფსიქიატრიის სამეცნიერო კვლევითი ინსტიტუტუს ნარკოლოგიის მედიკო–ბიოლოგიურ პრობლემათა განყოფილების გამგე; 1993-2001წწ. ახლად დაარსებული ნარკოლოგიის სამეცნიერო კვლევითი ინსტიტუტის დირექტორი; 2000 წლიდან არის ახლად დაარსებული ნარკოლოგიის კათედრის გამგე; 2008 წლიდან ჯანმრთელობის სამინისტროს დაავადებათა კონტროლისა და საზოგადოებრივი ჯანდაცვის ეროვნული ცენტრის  ინფორმაციისა და ნარკოლოგიური პროგრამების კოორდინატორი. არის სრული პროფესორი. 6 მონოგრაფიისა და 85–მდე სამეცნიერო ნაშრომის ავტორი და თანაავტორი, მათ შორის: "Электрофизиологическое исследование механизмов привыкания зрительной системы" (1968), "საზოგადოებრივი ჯანდაცვა საბჭოთა საქართველოში" (1984), "მავნე ჩვევიდან დაავადებამდე"(1986), "ნარკომანიის მედიკო–ბიოლოგიური და ფილოსოფიურ–ზნეობრივი ასპექტები" (1995), "ნარკოლოგია" (2001), "ნარკომანია, ფენომენის ანალიზი" (2003). დაცული აქვს საკანდიდატო დისერტაცია 1965 წელს და სადოქტორი დისერტაცია 1973 წელს. აშშ-ის ბიოგრაფიული კვლევის ინსტიტუტმა 2001 წელს მიანიჭა "წლის ადამიანის" წოდება.

წყარო: ვინ ვინ არის საქართველოში, 2009 = Who is who in Georgia, 2009.-თბ.,2009.-გვ.251; წიგნი ღირსებისა: ტ. 2 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.63

• ნარკოლოგიის სამეცნიერო კვლევითი ინსტიტუტის სამეთვალყურეო საბჭო, თავმჯდომარე (2001-2008)
• ჟურნალ "Вопросы Наркологии"-ს სარედაქციო საბჭო, წევრი (2007-)
• ჟურნალ "ქართველოლოგი"-ს სარედაქციო საბჭო, წევრი (2007-)

• 1997 - ღირსების ორდენი
• 1995 - საპატიო ნიშნის ორდენი

• ფენომენის ანალიზი - ნარკომანია (Author). - თბილისი, გამ-ბა "ფავორიტი", 2003. - 104გვ.
• ნარკომანიის მედიკო-ბიოლოგიური ასპექტი (Author). - თბილისი, 1996. - 132გვ.