ივანე კაჭარავა

დაბადების ადგილი: სოფელი საჭილაო, აბაშის რაიონი.

დაამთავრა თბილისის სახელმწიფო უნივერსიტეტის საბუნებისმეტყველო ფაკულტეტი 1924 წელს.

1925 წლიდან მუშაობდა საქართველოს მეცნიერებათა აკადემიის ალექსანდრე ჯანელიძის სახელობის გეოლოგიის ინსტიტუტში. 1969 წლიდან ხელმძღვანელობდა ამავე ინსტიტუტის პალეოგენური ნალექების პალეონტოლოგიისა და სტრატიგრაფიის განყოფილებას. ეწეოდა პედაგოგიურ მოღვაწეობას თსუ-სა და საქართველოს პოლიტექნიკურ ინსტიტუტში. მისი  შრომები ძირითადად შეეხება პალეოგენური ნალექების სტრატიგრაფიას და მათში განამარხებულ ფაუნას. გეოლოგიურ-მინერალოგიურ მეცნიერებათა დოქტორი (1944), პროფესორი (1944).

წყარო: ქართული საბჭოთა ენციკლოპედია: ტ.5. - თბ., 1980. – გვ. 445

• საქართველოს გეოლოგიური საზოგადოება, ვიცე-პრეზიდენტი (1933-)
• საქართველოს მეცნიერებათა აკადემია, აკადემიკოსი (1955-)

• 1973 - საქართველოს სახელმწიფო პრემია
• 1964 - შრომის წითელი დროშის ორდენი
• 1960 - საქართველოს მეცნიერებათა დამსახურებული მოღვაწე
• 1954 - ლენინის ორდენი
• 1946 - საპატიო ნიშნის ორდენი

• მასალები სამურზაყანოს გეოლოგიისათვის (ავტორი) // საქართველოს მუზეუმის მოამბე, V. - ტფილისი, 1929. - 125-130გვ.
• რაჭის მესამეულის გეოლოგიური განაკვეთი სოფ. ამბროლაურთან (ავტორი) // ტფილისის უნივერსიტეტის მოამბე, VIII. - ტფილისი, 1928. - 325-336გვ.