იური კაჭარავა

დაბადების ადგილი: სოფელი ბანძა, მარტვილის მუნიციპალიტეტი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1937 წელს.

1938 წლიდან თბილისის სხვადასხვა უმაღლეს სასწავლებლებში კითხულობდა მარქსიზმ-ლენინიზმის საფუძვლებს, სკკპ ისტორიას, სსრკ ისტორიასა და ქართული ისტორიოგრაფიის კურსს. 1946-1954წწ. იყო მარქსიზმ-ლენინიზმის კათედრის გამგე თბილისის რკინიგზის ტრანსპორტის ინჟინერთა ინსტიტუტში. 1954-1958წწ. სკკპ ცკ-თან არსებული მარქსიზმ-ლენინიზმის ინსტიტუტის საქართველოს ფილიალის უფროსი მეცნიერ თანამშრომელია. 1958 წლიდან იყო საქართველოს მეცნიერებათა აკადემიის ივანე ჯავახიშვილის სახელობის ისტორიის, არქეოლოგიისა და ეთნოგრაფიის ინსტიტუტის საქართველოს ისტორიის განყოფილების ხელმძღვანელი. მუშაობდა XIX-XXსს. საქართველოს ისტორიის, საზოგადოებრივ-პოლიტიკური მოძრაობისა და საზოგადოებრივი აზრის ისტორიის, რუსეთ-საქართველოს ურთიერთობის, ეროვნული საკითხის თეორიისა და ისტორიის და ქართული ისტორიოგრაფიის საკითხებზე.

წყარო: პრინციპული - მეცნიერებაში, უკომპრომისო - საქმეში : აკადემიკოსი იური კაჭარავა - 100 // საქართველოს რესპუბლიკა. - თბილისი, 2013. - 22 მარტი. - N53 (7180). - 7გვ.; ივანე ჯავახიშვილის სახელობის თბილისის სახელმწიფო უნივერსიტეტის ვებ-გვერდი: tsu.ge

• საქართველოს მეცნიერებათა აკადემია, აკადემიკოსი (1988-)

• 1965 - საქართველოს მეცნიერებათა დამსახურებული მოღვაწე

• ისტორია და თანამედროვეობა (ავტორი). - თბილისი, მეცნიერება, 1986. - 169გვ.
• ქართული ისტორიოგრაფიის აქტუალური პრობლემები (ავტორი). - თბილისი, მეცნიერება, 1986. - 231გვ.
• ისტორიოგრაფიული ეტიუდები (ავტორი). - თბილისი, მეცნიერება, 1977. - 302გვ.
• ქართველი ხალხის ეროვნული კონსოლიდაციის ეტაპები : დასკვნები და განზოგადებანი (ავტორი). - თბილისი, საქ. სსრ მეცნ. აკადემია, 1966. - 31გვ.
• საბჭოთა საქართველო სახალხო მეურნეობის აღდგენის პერიოდში : 1921-1925 (ავტორი). - თბილისი, საბჭ. საქართველო, 1958. - 528გვ.