ლაურ მანაგაძე

დაბადების ადგილი: ქ. თბილისი.

დაამთავრა ი. სეჩენოვის სახელობის მოსკოვის I სამედიცინო ინსტიტუტის სამკურნალო ფაკულტეტი 1967 წელს.

1970-1972წწ. მუშაობდა სსრკ სამედიცინო აკადემიის ორგანოთა გადანერგვის ლაბორატორიის უფროს მეცნიერ თანამშრომლად; 1972-1974წწ. საქართველოს ჯანდაცვის სამინისტროს კ. ერისთავის სახელობის ექსპერიმენტული და კლინიკური ქირურგიის ინსტიტუტის ლაბორატორიის უფროს მეცნიერ თანამშრომლად; 1974-1984წწ. ექსპერიმენტული ლაბორატორიის ხელმძღვანელად; 1984-1985წწ. ინსტიტუტის დირექტორის მოადგილე სამეცნიერო დარგში; 1985-2000წწ. ა. წულუკიძის სახელობის უროლოგიის ინსტიტუტის დირექტორად; 1991-1992წწ. თბილისის სახელმწიფო სამედიცინო ინსტიტუტის რექტორი; 1998 წლიდან არის ივანე ჯავახიშვილის სახელობის თბილისის სახელმწიფო უნივერსიტეტის მედიცინის ფაკულტეტის უროლოგიის კათედრის ხელმძღვანელი; 2000-2004წწ. იყო საქართველოს სახელმწიფო ა. წულუკიძის სახელობის უროლოგიის ეროვნული ცენტრის სამეცნიერო ხელმძღვანელი; 1999-2004წწ. საქართველოს მე-5 მოწვევის პარლამენტის წევრი, საარჩევნო ბლოკი: "მრეწველობა გადაარჩენს საქართველოს", საარჩევნო ფორმა: პარტიული სიით; 2008-2019წწ. საქართველოს სახელმწიფო ა. წულუკიძის სახელობის უროლოგიის ეროვნული ცენტრის გენერალური დირექტორი. არის ერთი სახელმძღვანელოსა და 300–ზე მეტი სამეცნიერო ნაშრომის ავტორი. მედიცინის მეცნიერებათა დოქტორი, პროფესორი.

საკანდიდატო დისერტაციის თემა – "თირკმლის კონსერვაცია ჰიპოთერმიისა და ჰიპერბარიული ოქსიგენაციის მეთოდების გამოყენებით", დაიცვა 1971 წელს; სადოქტორო დისერტაციის თემა – "ბავშვთა თირკმლების გადანერგვა ზრდასრულ რეციპიენტებში", დაიცვა 1981 წელს.

წყარო: საქართველოს პარლამენტის წევრები 1990-2015.- თბ.-2015.-გვ. 235; საქართველოს პარლამენტის ვებგვერდი: parliament.ge; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.179; ალ. წულუკიძის სახელობის უროლოგიის ცენტრი: urologycenter.ge;  საქართველოს პარლამენტის წევრები 1990-2015/კობა ამირხანაშვილი.- თბ., 2015.- გვ.235; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.63

• ა. წულუკიძის სახელობის უროლოგიის ეროვნული ცენტრი, თავმჯდომარე (2008-)
• ამერიკის უროლოგთა ასოციაცია, წევრი (2003-)
• ნიუ–იორკის მეცნიერებათა აკადემია, ნამდვილი წევრი (1994-)
• სადისერტაციო საბჭო "უროლოგია", თავმჯდომარე (1993-)
• საქართველოს ბავშვთა უროლოგთა ასოციაცია, საპატიო წევრი (2004-)
• საქართველოს მეცნიერებათა ეროვნული აკადემია, წევრ-კორესპონდენტი (1997-)
• საქართველოს მეცნიერებათა ეროვნული აკადემია, აკადემიკოსი
• საქართველოს მე–5 მოწვევის პარლამენტი, წევრი (1999-2003)
• საქართველოს სახელმწიფო ალექსანდრე წულუკიძის სახელობის უროლოგიის ეროვნული ცენტრის სამეთვალყურეო საბჭო, თავმჯდომარე (2004-2007)
• საქართველოს უროლოგთა ასოციაცია, პრეზიდენტი (2000-)
• სომხეთის ქირურგიულ მეცნიერებათა აკადემია, ნამდვილი წევრი (1998-)
• უროლოგთა საერთაშორისო საზოგადოება, წევრი (1997-)
• ქირურგთა საერთაშორისო კოლეჯი, წევრი (1998-)

• 2004 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  1998-2000 წლებში შესრულებულ შრომათა ციკლისათვის - "შარდის დერივაციისა და ენტეროცისტოპლასტიკის ახალი მიმართულებები - ხელოვნური შარდისბუშტის ფორმირება ნაწლავის დეტუბულირებული სეგმენტით"
• 1997 - ღირსების ორდენი
• 1986 - საპატიო ნიშნის ორდენი

• როგორ დავადგინოთ და ვუმკურნალოთ პროსტატის კეთილთვისებიან ჰიპერპლაზიას (თანაავტორი). - თბილისი, 2008. - 79გვ.
• უროლოგია : მედიცინის ფაკ-ტის სტუდ.-თვის (რედაქტორი). - თბილისი, თბილ. უნ-ტის გამ-ბა, 2001. - 13გვ.