ლეო ჩიქავა

დაბადების ადგილი: სოფელი კოკი, ზუგდიდის რაიონი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი 1950 წელს.

1955–1969წწ. იყო საქართველოს პოლიტექნიკური ინსტიტუტის უფროსი მასწავლებელი, დოცენტი, პროფესორი, 1974–1983წწ. პოლიტეკონომიის კათედრის გამგე; 1969–1974წწ. უცხო ენათა სახელმწიფო პედაგოგიური ინსტიტუტის პოლიტეკონომიის კათედრის გამგე; 1983–1990წწ. ეკონომიკის ინსტიტუტის დიტექტორის მოადგილე; 1990-1991წწ. საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ბლოკი: "საქართველოს კომუნისტური პარტია", საარჩევნო ფორმა: პარტიული სიით; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი); 1990–2006წწ. დემოგრაფიული და სოციოლოგიური კვლევის ინსტიტუტის დირექტორი; 1997 წლიდან არის პ. გუგუშვილის სახელობის უნივერსიტეტის რექტორი; 1999 წლიდან სახელმწიფო სამსახურის მართვის, მომზადების, გადამზადებისა და კვალიფიკაციის ამაღლების ცენტრის უფროსი. არის 170–ზე მეტი სამეცნიერო ნაშრომის, აქედან – 21 მონოგრაფიის, წიგნისა და ბროშურის ავტორი.

სადოქტორო დისერტაციის თემა - "საქართველოს კვების მრეწველობის ტერიტორიული სპეციალიზაციისა და ეკონომიკური ეფექტიანობის საკითხები", დაიცვა 1968 წელს.

წყარო: საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.371; საქართველოს პარლამენტის ვებგვერდი: old.parliament.ge; საქართველოს ნეკროპოლი: geonecropol.com

• ეკონომიკურ და ეკოლოგიურ მეცნიერებათა აკადემია, წევრი
• მოსკოვისა და თბილისის ეკონომიკური ჟურნალების სარედაქციო კოლეგია, წევრი
• საქართველოს მეცნიერებათა ეროვნული აკადემია, წევრ-კორესპონდენტი
• ყოველთა ქართველთა მსოფლიო კონგრესის პალატა, თავმჯდომარე (1993-)

• 1998 - ღირსების ორდენი
  ქართული ეკონომიკური მეცნიერების განვითარებაში, სტუდენტი ახალგაზრდობის აღზრდის საქმეში შეტანილი პირადი დიდი წვლილისა და ნაყოფიერი საზოგადოებრივი მოღვაწეობისათვის

• განვლილი ცხოვრების შტრიხები (ავტორი). - თბილისი, ინოვაცია, 2008. - 552გვ.
• ინოვაციური ეკონომიკა : მონოგრაფია (ავტორი). - თბილისი, სიახლე, 2006. - 450გვ.. - ISBN: 99940-815-7-8
• დემოგრაფიული კატეგორიები და კანონები (ავტორი). - თბილისი, სიახლე, 2002. - 79გვ.
• ეკონომიკური თეორიის მოკლე კურსი : სახელმძღვ. სტუდ. (ავტორი). - თბილისი, სიახლე, 1997. - 456გვ.
• საქართველოს ეკონომიკა : დამხმ. სახელმძღვ. სტუდ. (რედაქტორი) // ნაწ. 1. - თბილისი, მერიდიანი, 1995. - 200გვ.
• არამატერიალური წარმოების სფეროს პოლიტეკონომიური ასპექტები (ავტორი). - თბილისი, მეცნიერება, 1987. - 366გვ.