პეტრე ნასყიდაშვილი

დაბადების ადგილი: სოფელი ვალე, ახალციხის რაიონი.

დაამთავრა საქართველოს სასოფლო სამეურნეო ინსტიტუტის აგრონომიული ფაკულტეტი 1952 წელს; საქართველოს სასოფლო სამეურნეო ინსტიტუტის ასპირანტურა სელექცია - მწთესლეობის სპეციალობით 1955 წელს.

1952–2006წწ. იყო საქართველოს სასოფლო სამეურნეო ინსტიტუტის ასპირანტი, სელექცია – მეთესლეობის კათედრის ლაბორანტი, დოცენტი, აგრონომიული ფაკულტეტის დეკანი, გენეტიკისა და სელექცია – მეთესლეობის კათედრის გამგე და ამ კათედრის პროფესორი, პრორექტორი სასწავლო დარგში; 1995-2006წწ. საქართველოს სოფლის მეურნეობის სამინისტროს სელექციური მიღწევების გამოცდისა და დაცვის კომისიის თავმჯდომარე, შემდეგ ინსპექციის უფროსი; 2007-2010წწ. საქართველოს აგრარული უნივერსიტეტის აგროტექნოლოგიის დეპარტამენტის მთავარი კონსულტანტი; 2008 წლიდან საქართველოს სოფლის მეურნეობის მეცნიერებათა აკადემიის გენეტიკური რესურსების საკოორდინაციო ცენტრის ხელმძღვანელი, აკადემიური დეპარტამენტის მთავარი ექსპერტი. 2005 წელს იუნესკოს გადაწყვეტილების შესაბამისად, მეცნიერების ისტორიის საქართველოს საზოგადოებამ დააჯილდოვა მედლით და პრემიით; საქართველოს ერის წინაშე გაწეული დიდი ღვაწლისთვის და მეცნიერების განვითარებაში შეტანილი განსაკუთრებული წვლილისთვის, დაჯილდოებულია საქართველოს საპატრიარქოს სიგელით (2007); ხორბლის სელექციაში დიდი მიღწევებისთვის, ხორბლის და სიმინდის გაუმჯობესების ცენტრის (CIMMYT) მიერ დაჯილდოებულია დიპლომით და სამკერდე ნიშნით (2008); არჩეულ იქნა გორის სუხიშვილის სახელობის უნივერსიტეტის საპატიო პროფესორად (2008); მიენიჭა ლეონარდე დეკაპრელევიჩის აკადემიური სახელობითი პრემია (2011); ნიკილოზ ვავილოვის სახელობის მედალი (2012). გამოქვეყნებული აქვს 675-ზე მეტი სამეცნიერო ნაშრომი ქართულ (501), რუსულ (140) და ინგლისურ (34) ენებზე, მათ შორის 15 მონოგრაფია, 16 სახელმძღვანელო, 23 მეთოდური მითითება და მეთოდური დამუშავება, 10-ზე მეტი ღონისძიება - რეკომენდაცია და 19 ჯიშისა და ჰიბრიდის ავტორი. სოფლის მეურნეობის მეცნიერებათა კანდიდატი (1956), სოფლის მეურნეობის მეცნიერებათა დოქტორი (1976), პროფესორი (1977).

წყარო: საქართველოს მეცნიერებათა ეროვნული აკადემია: science.org.ge; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.202

• აგრარული განათლების საერთაშორისო აკადემია, აკადემიკოსი (2000-)
• საქართველოს მეცნიერებათა ეროვნული აკადემია, აკადემიკოსი (1996-)
• საქართველოს სოფლის მეურნეობის მეცნიერებათა აკადემია, წევრ–კორესპონდენტი (1990-1996)
• საქართველოს სოფლის მეურნეობის მეცნიერებათა აკადემია, აკადემიკოსი (1996-2014)
• ფაზისის მეცნიერებათა აკადემია, აკადემიკოსი (2003-)

• 1997 - ღირსების ორდენი
• 1990 - საქართველოს სახელმწიფო პრემია
• 1987 - ახალციხის საპატიო მოქალაქე
• 1985 - საქართველოს მეცნიერებათა დამსახურებული მოღვაწე
• 1980 - საპატიო ნიშნის ორდენი

• ტრიტიკალე (ავტორი). - თბილისი, საბჭ. საქართველო, 1986. - 111გვ.
• ხორბლის სელექციის გენეტიკური საფუძვლები. (ავტორი). - თბილისი, 1985. - 56გვ.
• ტრიტიკალეს წარმოების ინტენსიფიკაციის გზები (ავტორი). - თბილისი, სამეცნ.-კვლევ. ინ-ტი, 1984. - 44გვ.