გიორგი ჩაგელიშვილი

დაბადების ადგილი: ქ. ქუთაისი.

დაამთავრა თბილისის ივანე ჯავახიშვილის სახელობის სახელმწიფო უნივერსიტეტის ფიზიკის ფაკულტეტი თეორიული ფიზიკის განხრით 1974 წელს.

1974–1977წწ. იყო საქართველოს მეცნიერებათა აკადემიის ფიზიკის ინსტიტუტის ასპირანტი; 1978–1986 წლებში საქართველოს მეცნიერებათა აკადემიის აბასთუმნის ასტროფიზიკური ობსერვატორიის უმცროსი მეცნიერ თანამშრომელი, 1986–1991 წლებში ამავე ობსერვატორიის უფროსი მეცნიერ თანამშრომელი; 1997–2000 წლებში -  წამყვანი, ხოლო 2000 წლიდან საქართველოს მეცნიერებათა აკადემიის ე. ხარაძის სახელობის აბასთუმნის ასტროფიზიკური ობსერვატორიის ფილიალის - პლაზმური ასტროფიზიკის ცენტრის მთავარი მეცნიერ თანამშრომელი, 2007 წლიდან ი. ჭავჭავაძის სახელმწიფო უნივერსიტეტთან არსებული ე. ხარაძის ეროვნული ასტროფიზიკური ობსერვატორიის მკვლევარი; 2008 წლიდან მ. ნოდიას სახელობის გეოფიზიკის ინსტიტუტის მთავარი მეცნიერ თანამშრომელი. ფიზიკა–მათემატიკის მეცნიერებათა კანდიდატი (1979); ფიზიკა–მათემატიკის მეცნიერებათა დოქტორი (1990).

წყარო: საქართველოს მეცნიერებათა ეროვნული აკადემია: science.org.ge; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.139

• საქართველოს მეცნიერებათა ეროვნული აკადემია, აკადემიკოსი (2013-)
• საქართველოს მეცნიერებათა ეროვნული აკადემია, წევრ–კორესპონდენტი (2001-2013)

• 2002 - საქართველოს სახელმწიფო პრემია, მეცნიერებისა და ტექნიკის დარგში
  საბუნებისმეტყველო მეცნიერებათა დარგში 1979-1999 წლებში შესრულებულ შრომათა ციკლისათვის - ''დინამიკური პროცესები წანაცვლებით დინებებში და მათი გამოვლინება ასტროფიზიკურ ობიექტებში''.

• New linear mechanisms of acoustic wave generation in smoth shear flows(Non modal study), in "Sound-flow interactions" : Lecture notes in physics, springer (ავტორი). - 2002. - 210p.