ვახტანგ ჭიჭინაძე

დაბადების ადგილი: სოფელი ოლუღი, ამბროლაურის რაიონი.

დაამთავრა საქართველოს პოლიტექნიკური ინსტიტუტის ელექტროტექნიკური ფაკულტეტი 1947 წელს.

1945 წელს იბრძოდა მოქმედ არმიაში. 1947 წელს მუშაობა დაიწყო საქართველოს მეცნიერებათა აკადემიის ენერგეტიკის ინსტიტუტის უმცროს მეცნიერ თანამშრომლად; 1949-1952 წწ. იყო საქართველოს მეცნიერებათა აკადემიის ავტომატიკისა და ტელემექანიკის ინსტიტუტის ასპირანტი, 1953–1956 წწ. ენერგეტიკის ინსტიტუტის მეცნიერ თანამშრომელი; 1956–1971 წწ. მეცნიერებათა აკადემიის ელექტრონული, ავტომატიკისა და ტელემექანიკის ინსტიტუტის დირექტორის მოადგილე; 1971–1974 წწ. სამეცნიერო კვლევითი გაერთიანება "მიონის" დირექტორის მოადგილე; 1974–1978 წწ. საქართველოს უმაღლესი და საშუალო განათლების მინისტრის პირველი მოადგილე; 1978-1989 წწ. საქართველოს მეცნიერებათა აკადემიის ნ. მუსხელიშვილის სახელობის გამოთვლითი მათემატიკის ინსტიტუტის მანქანური დაპროექტების განყოფილების გამგე; 1974–2000 წწ. ა. ელიაშვილის მართვის სისტემების ინსტიტუტის მთავარი მეცნიერ თანამშრომელი. 1989- 1995 წწ. ნ. მუსხელიშვილის სახელობის გამოთვლითი მათემატიკის ინსტიტუტის დირექციის მრჩეველი; 1995 წლიდან ა. ელიაშვილის მართვის სისტემების ინსტიტუტის დირექციის მრჩეველი. გამოქვეყნებული აქვს 100 სამეცნიერო ნაშრომი. ტექნიკის მეცნიერებათა კანდიდატი (1952), ტექნიკის მეცნიერებათა დოქტორი (1968), პროფესორი (1968).

წყარო: საქართველოს მეცნიერებათა ეროვნული აკადემია: science.org.ge; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.207; გაზეთი საქართველოს რესპუბლიკა.-თბ., 2015. 28 აგვისტო. N 161 (7806).-გვ. 10 dspace.nplg.gov.ge;  ომგადახდილი მეცნიერები : საგამომცემლო ცნობები. კრებული / შემდგ.: გრიგოლ ბრეგაძე. - თბ., 2000. გვ. 136-137

• საქართველოს მეცნიერებათა აკადემია, წევრ-კორესპონდენტი (1972-1983)
• საქართველოს მეცნიერებათა აკადემია, აკადემიკოსი (1983-2015)

• 2004 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  1997 წელს გამოცემული უმაღლესი სასწავლებლის სახელმძღვანელოსათვის - "ოპტიმალური და ადაპტური სისტემები"
• 1945 - წითელი ვარსკვლავის ორდენი