ვიქტორ კუპრაძე

დაბდების ადგილი: ქ. ოზურგეთი.

დაამთავრა თბილისის სახელმწიფო უნივერსიტეტის ფიზიკა-მათემატიკის ფაკულტეტი 1927 წელს.

1933-1935წწ. მუშაობდა სსრ კავშირის მეცნიერებათა აკადემიის მათემატიკის ინსტიტუტში სწავლული მდივნისა და უფროსი მეცნიერ-თანამშრომლის თანამდებობაზე. 1936-1941წწ. იგი იყო სსრ კავშირის მეცნიერებათა აკადემიის საქართველოს ფილიალის მათემატიკის ინსტიტუტის დირექტორი. პარალელურად ხელმძღვანელობდა კათედრებს თბილისის სახელმწიფო უნივერსიტეტსა და პოლიტექნიკურ ინსტიტუტში; 1941-1943წწ. მსახურობდა საბჭოთა არმიის რიგებში; 1944-1953წწ. იყო საქართველოს განათლების მინისტრი, ხოლო 1954-1959წწ. თბილისის სახელმწიფო უნივერსიტეტის რექტორი; 1954-1962წწ. საქართველოს სსრ უმაღლესი საბჭოს თავმჯდომარე; 1958 წლიდან საქართველოს სსრ მეცნირებათა აკადემიის მათემატიკისა და ფიზიკის განყოფილებების აკადემიკოს-მდივანი; ქართული საბჭოთა ენციკლოპედიის მთავარი სარედაქციო კოლეგიის წევრი. დიდი წვლილი შეიტანა მათემატიკური მეცნიერების მთელი რიგი დარგების შემდგომ განვითარებასა და სრულყოფაში. იგი ავტორია მრავალი ფუნდამენტური გამოკვლევისა მათემატიკურ ფიზიკასა და მექანიკაში, რომლებიც თავმოყრილია მის მრავალრიცხოვან მონოგრაფიებში. 100-ზე მეტი სამეცნიერო შრომის ავტორი, მათ შორისაა ფუნდამენტური მონოგრაფიები. მისი არაერთი ნაშრომი თარგმნილი და გამოცემულია უცხო ენებზე. ფიზიკა-მათემატიკური მეცნიერებათა დოქტორი (1935), პროფესორი (1936).

წყარო: ქართული საბჭოთა ენციკლოპედია: ტ. 6.-თბ., 1983.-გვ.76;  ომგადახდილი მეცნიერები : საგამომცემლო ცნობები. კრებული / შემდგ.: გრიგოლ ბრეგაძე. - თბ., 2000. გვ. 64-65;  საქართველო: ენციკლოპედია: ტ.5. -თბ.,2023. -გვ.236

• საქართველოს მათემატიკური საზოგადოება, პირველი პრეზიდენტი (1962-1966)
• საქართველოს მეცნიერებათა აკადემია, აკადემიკოსი (1946-)
• სკკპ, წევრი (1932-)

• 1981 - თბილისის საპატიო მოქალაქე
• 1971 - საქართველოს სახელმწიფო პრემია
• ოქტომბრის რევოლუციის ორდენი
• შრომის წითელი დროშის ორდენი
• ლენინის ორდენი (2 ორდენი)
• საპატიო ნიშნის ორდენი

• Методы потенциала в теории упругости (ავტორი). - Москва, Физматгиз, 1963. - 472с.
• Граничные задачи теории колебаний и интегральные уравнения (ავტორი). - Москва, Гос. изд-во технико-теоретической лит-ры, 1950. - 280с.
• Основные задачи математической теории диффракции (ავტორი). - Л.-М., Главная редакция общетехнической лит-ры, 1935. - 111с.