კიტი მაჩაბელი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1955 წელს.

1960 წლიდან მოღვაწეობს გ. ჩუბინაშვილის სახ. ქართული ხელოვნების ისტორიის ინსტიტუტში (უფროსი მეცნიერი თანამშრომელი, დეკორატიულ-გამოყენებითი ხელოვნების განყოფილების გამგე: 1984-2006, მთავარი მეცნიერი თანამშრომელი: 2009 წლიდან), ინსტიტუტთან არსებული სადისერტაციო საბჭოს თავმჯდომარე (2001-2006). მუშაობდა თბილისის სამხატვრო აკადემიაში ხელოვნების ისტორიისა და თეორიის ფაკულტეტზე (1967-2013) (1977-დან პროფესორი, 2009-დან ემერიტუს-პროფესორი). კ. მაჩაბელი არის ხელოვნებათმცოდნეობის დოქტორი (სადოქტორო დისერტაცია - "საქართველოს გვიანანტიკური ტორევტიკა" (1971). მისი ნაშრომებით საფუძველი ჩაეყარა წინა ქრისტიანული და ადრე ქრისტიანული ქართული სახვითი ხელოვნების კვლევას. მონაწილეობდა ქართული ხელოვნებისადმი მიძღვნილ საერთაშორისო სიმპოზიუმებში, საერთაშორისო სამეცნიერო სესიებსა და კონფერენციებში. იგი 23 წიგნისა და 300-მდე სტატიის ავტორია. მის ნაშრომებში განხილულია ქართული ქრისტიანული ხელოვნების გენეზისის, შუა საუკუნეების ქართული ჭედური ხელოვნებისა და ქანდაკების პრობლემები, საქართველოს როლი ქრისტიანული იკონოგრაფიის ჩამოყალიბებაში, თანამედროვე ქართული სახვითი ხელოვნების საკითხები. ხელოვნებათმცოდნეობის დარგში მიღწეული წარმატებებისათვის მინიჭებული აქვს "გამოჩენილი მეცნიერის სტატუსი" (2016). საქართველოს დამსახურებული ჟურნალისტის უშანგი ჭიჭინაძის მეუღლე.

წყარო: ჩუბინაშვილის ცენტრის ვებ-გვერდი: gch-centre.ge; საქართველო: ენციკლოპედია: ტ.5. -თბ.,2023. -გვ.598-599

• საქართველოს ბიზანტინისტთა ეროვნული კავშირის გამგეობა, წევრი
• საქართველოს კულტურული საგანძურის დაცვის კომისია, თავმჯდომარის მოადგილე (1999-)
• საქართველოს მხატვართა კავშირი, წევრი (1971-)
• საქართველოს მხატვართა კავშირის გამგეობა, წევრი (2004-2012)

• 2013 - სიგელი "ხელოვნებაში გაწეული განსაკუთრებული წვლილისათვის"
  საქართველოს მხატვართა კავშირის 80 წლისთავთან დაკაშირებით - თბილისის მერია
• 2010 - გიორგი ჩუბინაშვილის სახელობის პრემია (საქართველოს მეცნიერებათა ეროვნული აკადემია)
• 1982 - მედალი "წლის საუკეთესო ნამუშევარი" (საქართველოს მხატვართა კავშირი)
• საქართველოს მეცნიერებათა ეროვნული აკადემიის საპატიო სიგელი

• ქართული ქრისტიანული ხელოვნების სათავეებთან (ავტორი). - თბილისი, საქ. მეცნ. ეროვნ. აკად. სტ., 2014. - 288გვ.
• ქართული ისტორიული კოსტიუმი (V-X საუკუნეები) = Georgian historical costume (5 th - 10 th centuries) (ავტორი). - თბილისი, საქ. კულტ. და ძეგლთა დაცვის სამინ., 2013. - 164გვ.
• ადრეული შუა საუკუნეების ქართული ქვაჯვარები = Early medieval georgian stone crosses (ავტორი). - თბილისი, შპს "სეზანი", 2008. - 136გვ.. - ISBN: 9789941021091
• შედევრები და საუკუნეები (ავტორი). - თბილისი, ნეკერი, 2001. - 295გვ.. - ISBN: 99928-58-35-4
• Stèles Géorgiennes en pierre (ავტორი). - Lugano, ed. Arte e Moneta, 1997. - 79გვ.
• ძველი საქართველოს ვერცხლი (ავტორი). - თბილისი, საქ. კპ ცკ-ის გამ-ბის სტამბა, 1983. - 118გვ.
• სვანეთის საგანძურიდან (ავტორი). - თბილისი, მეცნიერება, 1982. - 219გვ.
• ქართული საბჭოთა ჭედური ხელოვნება (ავტორი). - თბილისი, მეცნიერება, 1976. - 62გვ.