თამარ ტივაძე

დაბდების ადგილი: ქ. თბილისი.

დაამთავრა თბილისის სახელმწიფო უნივერსიტეტი 1958 წელს.

1960-1964წწ. იყო თბილისის სახელმწიფო უნივერსიტეტის ისტორიის ფაკულტეტის სსრკ ხალხთა ისტორიის კათედრის ასპირანტი; 1970-1995წწ. იყო ივანე ჯავახიშვილის სახელობის ისტორიისა და ეთნოლოგიის ინსტიტუტის თანამშრომელი; 1970-1977წწ. კავკასიის ხალხთა ისტორიის განყოფილების უმცროსი მეცნიერ-თანამშრომელი; 1977-1985წწ. სსრკ ხალხებთან საქართველოს ურთიერთობის ისტორიის განყოფილების უმცროსი მეცნიერ-თანამშრომელი; 1985-1995წწ. ამავე განყოფილების უფროსი მეცნიერ-თანამშრომელი. ავტორია ორი მონოგრაფიის: "საქართველო და რუსეთ-ირანის პოლიტიკური ურთიერთობა XVII საუკუნის მეორე ნახევარში" და "თეიმურაზ I-ის საგარეო პოლიტიკა". მნიშვნელოვანი სამეცნიერო სტატიები აქვს შემდეგ საკითხებზე: იმერეთის სამეფოს რუსეთთან ურთიერთობა, თუშ-ფშავ-ხევსურეთის რუსეთთან ურთიერთობა, კაზაკების მიერ გონიოს ციხის აღება და ა.შ. ისტორიის მეცნიერებატა დოქტორი.

საკანდიდატო დისერტაციის თემა- "ირანის საკითხი მოსკოვის სახელმწიფოს საგარეო პოლიტიკაში XVI ს. დასასრულს და XVII ს. დასაწყისში," დაიცვა 1966 წელს; სადოქტორო დისერტაცის თემა - "საქართველო და რუსეთ-ირანის პოლიტიკური ურთიერთობები XVII ს-ის მეორე ნახევარში", დაიცვა 1980 წელს.

წყარო: ივანე ჯავახიშვილის სახელობის თბილისის სახელმწიფო უნივერსიტეტის ვებ-გვერდი: tsu.ge

• თეიმურაზ პირველის საგარეო პოლიტიკა (ავტორი). - თბილისი, მეცნიერება, 1990. - 166
• საქართველო და რუსეთ-ირანის პოლიტიკური ურთიერთობა XVII საუკუნის მეორე ნახევარში (ავტორი). - თბილისი, მეცნიერება, 1977. - 203