ილია წინამძღვრიშვილი

დაბადების ადგილი: მცხეთის რაიონი, სოფელი წინამძღვრიანთკარი.

ქართველი საზოგადო მოღვაწე, პუბლიცისტი, პედაგოგი.

დაამთავრა თბილისის კლასიკური გიმნაზია 1855 წელს. უსახსრობის გამო უმაღლესი განათლების მიღება ვერ შეძლო. დაამთავრა მოკლევადიანი აგრონომიული კურსები. მსახურობდა მომრიგებელ შუამავლად, მომრიგებელ მოსამართლედ, უფროს ნოტარიუსად თბილისში, იმის გამო, რომ მაშინ საქართველოში არ არსებობდა ისეთი სასწავლებელი, რომელიც ახალგაზრდობას სასოფლო-სამეურნეო განათლებას მისცემდა, მან 1883 წლის 4 სექტემბერს საკუთარ მამულში, თავისი ხარჯითა და საზოგადოების დახმარებით გახსნა წინამძღვრიანთკარის სასოფლო-სამეურნეო სკოლა. 1889 წელს მან გამოსცა სახელმძღვანელო "ვაზის მოშენება“, შემდეგ - "ზოგადი მიწათმოქმედება“. ხორეშანა გვერდწითელის ფსევდონიმით იგი აქტიურად თანამშრომლობდა ქართულ ჟურნალ-გაზეთებში (1870-იანი წლებიდან). მისი წერილები, პუბლიცისტური სტატიები და ნარკვევები ეხებოდა საყოფაცხოვრებო, ეთნოგრაფიულ და სამეურნეო საკითხებს. აქვს პედაგოგიური ხასიათის წერილებიც. იბრძოდა ცარიზმის ბიუროკრატიული და კოლონიური პოლიტიკის წინააღმდეგ.

წყარო: ქართული საბჭოთა ენციკლოპედია: ტ.11.-თბ., 1987.-გვ.327; განმანათლებლობა საქართველოში. იდეები და მოღვაწეები: nateba.webbreeze.net

• კავკასიის სასოფლო-სამეურნეო საზოგადოება, წევრი

• მიწად მოქმედების საერთოთ და კერძოთ მოქმედების საუბარი (Author). - ტფილისი, ქართველთა კავშირის სტ., 1919. - 85გვ.
• ვაზის მოშენება. (Vitis vinifera) (Author). - ტფილისი, მიხელსონის სტ., 1889. - 159გვ.