დალი ბახტაძე

დაბადების ადგილი: ქ. ხონი.

დაამთავრა ქუთაისის ალექსანდრე წულუკიძის სახელობის სახელმწიფო პედაგოგიური ინსტიტუტი 1963 წელს.

1969-1997წწ. მუშაობდა და ლექციებს კითხულობდა ქუთაისის ალექსანდრე წულუკიძის სახელობის სახელმწიფო პედაგოგიური ინსტიტუტში, შემდგომ ქუთაისის აკაკი წერეთლის სახელობის სახელმწიფო უნივერსიტეტში; 1983-1986წწ. იყო ამავე ინსტიტუტის ფილოლოგიის ფაკულტეტის დეკანი; 1992-1997წწ. გერმანული ენის კათედრის გამგე; 1998 წლიდან მუშაობს თბილისის ილიას სახელობის სახელმწიფო უნივერსიტეტში ლექტორად. გერმანისტი, ფილოლოგიის მეცნიერებათა დოქტორი, პროფესორი.

საკანდიდატო დისერტაციის თემა -"ფრაზეოლოგიური ვარიანტები თანამედროვე გერმანულ ენაში ქართულთან შეპირისპირებით", დაიცვა 1976 წელს;  სადოქტორო დისერტაციის თემა - "ფრაზეოლოგიური პრედიკაციის პრობლემები", დაიცვა 1993 წელს. 

• ლინგვისტიკური ტიპოლოგიის საფუძვლები. გერმანული და ქართული ენების სტრუქტურა = Grundzuge der linguistischen Typologie. Sprachbau der deutschen und georgischen Sprachen in Sprachtypologischer Sicht : სახელმძღვანელო (ავტორი). - თბილისი, "მწიგნობარის" გამ-ბა და სტამბა, 2010. - 397გვ.. - ISBN: 978-9941-9122-3-8
• გერმანულ-ქართული ლექსიკონი = Deutsch-Georgisches Worterbuch : 45000 ლექსიკური ერთეული (რედაქტორი). - თბილისი, დეგი, 2004. - 751გვ.. - ISBN: 99940-0-045-4
• ფრაზეოლოგიური პრედიკაციის პრობლემები : გერმანული და ქართული ენების ტიპოლ. კვლევის საფუძველზე (ავტორი). - ქუთაისი, სარანგი, 1992. - 196გვ.