რუსუდან გვერდწითელი-ლორთქიფანიძე

დაბადების ადგილი: ქ. თბილისი.

დაამთავრა საქართველოს ინდუსტრიული ინსტიტუტის არქიტექტურის ფაკულტეტი 1936 წელს. 

1936-1941წწ. მუშაობდა ხელოვნების მუზეუმში "მეტეხი"; 1941-1948წწ. საქართველოს მეცნიერებათა აკადემიის მუზეუმ-ნაკრძალში "ვარძია", მეცნიერი თანამშრომლის თანამდებობაზე; 1950 წლიდან სიცოცხლის ბოლომდე იგი მუშაობდა კულტურის სამინისტროს სპეციალურ სამეცნიერო-სარესტავრაციო საწარმოო სახელოსნოში უფროს არქიტექტორ-რესტავრატორად, წლების მანძილზე იყო საპროექტო განყოფილების გამგე. მისი პროექტებით და ხელმძღვანელობით რესტავრირებულია ქართული არქიტექტურის მრავალი ნიმუში: ვარძიის სამრეკლო(1969-1970), ანანურის ციხე, კოშკი "შეუპოვარი"(1955-1956, 1971-1972) გორის ციხე(1953-1955), ბზიფის ციხე და ეკლესია(1955), ანჩისხატის ბაზილიკა(1958-1960), როსტომ მეფის სასახლის აბანო(1958-1964), ბოლნისის სიონი(1960-იანი, 1970-იანი, 1985) და სხვები. იგი იყო არქიტექტორ-რესტავრატორი,  ქართული ხუროთმოძღვრული ძეგლების რესტავრაციის ერთ-ერთი ფუძემდებელი, პირველი რესტავრატორი  ქალი საქართველოში.

• ძეგლთა დაცვის სამეცნიერო მეთოდური საბჭო , წევრი

• 1967 - საქართველოს ხელოვნების დამსახურებული მოღვაწე

• ანჩისხატი : "წმ. მარიამის" ეკლესია თბილისში (ავტორი). - თბილისი, 2001. - 140გვ.
• არქიტექტურის ძეგლების რესტავრაცია : ს. ს. პოდიაპოლსკის, გ. ბ. ბესონოვის, ა. ა. ბელიაევის, ტ. მ. პოსტნიკოვას შრომის III და IV თავების ავტორიზებული თარგმანი რუსულიდან (მთარგმნელი). - თბილისი, 1991. - 108გვ.