ელიზბარ ნადარაია

დაბადების ადგილი: სოფელი ახალი ხიბულა, ხობის რაიონი.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი 1959 წელს.

1964–1966წწ. იყო საქართველოს მეცნიერებათა აკადემიის გამოთვლითი ცენტრის მეცნიერ თანამშრომელი; 1966–1973წწ. თბილისის სახელმწიფო უნივერსიტეტის ი. ვეკუას სახელობის გამოყენებითი მათემატიკის ინსტიტუტის ალბათობის თეორიისა და მათემატიკური სტატისტიკის განყოფილების მეცნიერ-თანამშრომელი და შემდეგ განყოფილების გამგე; 1973–1978წწ. საქართველოს მეცნიერებათა აკადემიის ეკონომიკისა და სამართლის ინსტიტუტის ალბათობის თეორიისა და მათემატიკური სტატისტიკის განყოფილების გამგე; 1978–1986წწ. თბილისის სახელმწიფო უნივერსიტეტის ალბათობის თეორიისა და მათემატიკური სტატისტიკის კათედრის დოცენტი და შემდეგ პროფესორი; 1986 წლიდან - ამავე კათედრის გამგე; 1964 წლიდან - ფიზიკა-მათემატიკის მეცნიერებათა კანდიდატი, სტეკლოვის სახელობის მათემატიკის ინსტიტუტი (მოსკოვი); 1981 წლიდან - ფიზიკა-მათემატიკის მეცნიერებათა დოქტორი, რომანოვსკის სახელობის მათემატიკის ინსტიტუტი (ტაშკენტი); 2009 წლიდან - თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტის ალბათობის თეორიისა და მათემატიკური სტატისტიკის მიმართულების სრული პროფესორი. მეცნიერული ინეტერესების სფერო: ალბათობის თეორია და მათემატიკური სტატისტიკა (არაპარამეტრულ შეფასებათა თეორია). 120-ზე მეტი გამოქვეყნებული სამეცნიერო ნაშრომის ავტორი. ფიზიკა-მათემატიკის მეცნიერებათა დოქტორი (1981).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.261; საქართველოს მეცნიერებათა ეროვნული აკადემია: science.org.ge

• საქართველოს მეცნიერებათა აკადემია, წევრ–კორესპონდენტი (2001-)

• 1990 - ილია ვეკუას სახელობის პრემია

• სტოქასტური ფინანსური მათემატიკა : ლექციების კურსი (თანაავტორი) // წ. 1. - თბილისი, უნივერსალი, 2018. - 138გვ.. - ISBN: 9789941262524
• ალბათობის თეორიის ამოცანათა კრებული : დამხმ. სახელმძღვ. სტუდ. (თანაავტორი). - ქუთაისი, ქუთაისის სახელმწ. უნ-ტის გამ-ბა, 2008. - 164გვ.. - ISBN: 978-99940-52-96-7
• ალბათობის თეორია : დამხმ. სახელმძღვ. თსუ-ს სტუდ. (თანაავტორი). - თბილისი, თბილ. უნ-ტის გამ-ბა, 2005. - 200გვ.. - ISBN: 99940-38-42-7