ოთარ გიგინეიშვილი

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1940 წელს; სსრკ საგარეო საქმეთა სამინისტროს უმაღლესი დიპლომატიური სკოლა 1947 წელს.

1947 წლიდან გარდაცვალებამდე კითხულობდა ლექციებს თბილისის სახელმწიფო უნივერსიტეტში აღმოსავლეთმცოდნეობის ფაკულტეტზე. 1947-1954წწ. მუშაობდა სსრკ საგარეო საქმეთა სამინისტროში ატაშედ, საქართველოს საგარეო საქმეთა სამინისტროს ექსპერტ-კონსულტანტად, მინისტრის თანაშემწედ; 1956-1958წწ. იყო საქართველოს საგარეო საქმეთა სამინისტროს პირველი მდივანი; 1958-1960წწ. მუშაობს საქართველოს მეცნიერებათა აკადემის ისტორიის ინსტიტუტში; 1960 წლიდან აღმოსავლეთმცოდნეობის ინსტიტუტში ახლო აღმოსავლეთის ქვეყნების ახალი და უახლესი ისტორიის განყოფილების ხელმძღვანელი; 1974-1990წწ. ამავე ინსტიტუტის დირექტორის მოადგილე სამეცნიერო მუშაობის დარგში. იკვლევდა თურქეთის სოციალურ-ეკონომიურ და პოლიტიკურ ისტორიას; თურქეთის, ირანისა და რუსეთის პოლიტიკას საქართველოს მიმართ; თურქეთში მიმდინარე ეთნო-რელიგიურ პროცესებს; მთამსვლელობის უფროსი ინსტრუქტორი, თსუ-ის სპორტული კლუბის მთასვლურ-ტურისტული სექციის პრეზიდიუმის თავმჯდომარე, პამირისა და ტიან-შანის მთებში ქართველ მთამსვლელთა ექსპედიციების ხელმძღვანელი; აღმოსავლეთმცოდნე, პროფესორი.

წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. -  322 გვ.

• საქართველოს მთასვლელთა ფედერაციის პრეზიდიუმი, თავმჯდომარე (1963-1983)
• უცხოეთში მცხოვრებ თანამემამულეების მეგობრობისა და კულტურის ურთიერთობის საქართველოს საზოგადოების პრეზიდიუმი, თავმჯდომარე (1968-1990)

• სსრკ დამსახურებული მწვრთნელი
• სახელმწიფო ჯილდო

• თურქეთის 1960 წლის 27 მაისის სახელმწიფო გადატრიალების მოკლე ისტორია (ავტორი). - თბილისი, მეცნიერება, 1989. - 52გვ.
• მთასვლელობა საქართველოში (ავტორი). - თბილისი, საქ. კპ ცკ-ის გამ-ბა, 1983. - 62გვ.
• ნარკვევები ოსმალეთის ისტორიიდან (ავტორი). - თბილისი, მეცნიერება, 1982. - 175გვ.