აკაკი ვასაძე

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის ისტორიის ფაკულტეტი; ა. ჯაბადარის დრამატული სტუდია თბილისში 1920 წელს.

1916 წელს დაიწყო სასცენო მოღვაწეობა  ქუთაისის თეატრში; 1920-1958წწ. მოღვაწეობდა რუსთაველის სახელობის თეტრში; 1935-1955წწ. იყო ამავე თეატრის, ხოლო 1958-1968წწ. ქუთაისის ლ. მესხიშვილის სახელობის დრამატული თეატრის სამხატვრო ხელმძღვანელი; 1969 წლიდან მოღვაწეობდა რუსთავის სახელმწიფო დრამატულ თეატრში, ხოლო 1975 წლიდან თბილისის კ. მარჯანიშვილის სახელობის სახელმწიფო აკადემიურ თეატრში; როლები: რუსთაველის თეატრში - მენგო(ლოპე დე ვეგას "ცხვრის წყარო"), ახმა(ს. შანშიაშვილის "ანზორი"), ფრანც მოორი(ფ. შილერის "ყაჩაღები"), იაგო (უ. შექსპირის "ოტელო"), კიკვიძე (ვ. დარასელის "კიკვიძე", მისივე დადგმა, სტალინური პრემია, 1942), დარისპანი ("შემოდგომის აზნაურები", დ. კლდიაშვილის მიხედვით), სვიმონ ლიონიძე (დ. ერისთავის "სამშობლო"), შუისკი (ა. სოლოვიოვის "დიდი ხელმწიფე", მისივე დადგმა, სტალინური პრემია, 1946), პეპია (ი. ჭავჭავაძის "გლახის ნაამბობი"), აბდულ სადიქი (ი. მოსაშვილის "ჩაძირული ქვები", მისივე დადგმა, სტალინური პრემია, 1951)  და სხვ.; ქუთაისის ლ. მესხიშვილის სახ. თეატრში - ყვარყვარე (პ. კაკაბაძის "ყვარყვარე თუთაბერი"), რიჩარდ III (უ. შექსპირის "რიჩარდ მესამე"), ნერონი (ლ. სანიკიძის "ნერონი") და სხვ.; რუსთავის თეატრში - ისიდორე (ნ. დუმბაძის "საბრალდებო დასკვნა"), მეფე ლირი (უ. შექსპირის "მეფე ლირი", შოთა რუსთაველის სახ. სახელმწიფო პრემია, 1975), მაესტრო (ს. კვარონსკის "მაესტრო"), გიორგი (თ. ჭიკაძის "სურათები საოჯახო ალბომიდან") და სხვ.; კ. მარჯანიშვილის სახ. თეატრში - პასტორი მანდერსი (ჰ. იბსენის "მოჩვენებანი"). 1923 წლიდან მოღვაწეობდა კინოში, როლები: გრიგოლა ("მამის მკვლელი", 1923), პლატონი ("სამანიშვილის დედინაცვალი", 1926), გარდუფხანი ("ძინა ძაძუ", 1926), შაჰ-აბასი ("გიორგი სააკაძე", 1942-43, სსრკ სახელმწიფო პრემია, 1946), მამასახლისი ("მაგდანას ლურჯა", 1955), ფარსმან სპარსი ("დიდოსტატის მარჯვენა", 1969-1970), მორდუხაი ("დათა ბთუთაშხია", 1977) და სხვ. 1926 წლიდან ეწეოდა რეჟისორულ მოღვაწეობას. იყო საქართველოს სსრ 1-ლი, მე-2, მე-3, მე-4 და მე-5 მოწვევის უმაღლესი საბჭოს დეპუტატი. თეატრისა და კინოს მსახიობი.

წყარო: საქართველო: ენციკლოპედია: ტ.III.–თბ., 2014.–გვ.190

• 1974 - შოთა რუსთაველის სახელობის სახელმწიფო პრემია
• 1951 - სტალინური პრემია
• 1946 - სტალინური პრემია
• 1942 - სტალინური პრემია
• 1936 - წითელი დროშის ორდენი
• 1936 - სსრკ სახალხო არტისტი
• 1934 - საქართველოს სახალხო არტისტი
• ლენინის ორდენი
• ლენინის მედალი

• ჩემი სამსახიობო გზა : მსახიობის მუშაობა მხატვრულ სახეზე (ავტორი). - თბილისი, საქ. თეატრის მოღვაწეთა კავშირი, სტ. N1, 1988. - 121გვ.
• პოეზიის პრინციპები (ავტორი). - თბილისი, საბჭ. საქართველო, 1987. - 477გვ.
• მოგონებები, ფიქრები. (ავტორი). - თბილისი, საქ. თეატრ. საზ-ბა, 1977. - 326გვ.
• უჩვეულო დღეები : მოთხრობები (ავტორი). - თბილისი, საბჭ. საქართველო, 1971. - 198გვ.