რუსუდან ხარაძე

დაბადების ადგილი: სოფელი ფარცხნალი, ხარაგაულის რაიონი.

დაამთავრა თბილისის სახელმწიფო უნივერსიტეტის პედაგოგიური ფაკულტეტი 1930 წელს.

1932–1933წწ. მუშაობდა საქართველოს სახელმწიფო მუზეუმში. 1937-1965წწ. ეწეოდა სამეცნიერო-პედაგოგიურ მუშაობას ენიმკის ინსტიტუტში, თბილისის სახელმწიფო უნივერსიტეტის ეთნოგრაფიულ კათედრაზე, ივანე ჯავახიშვილის სახელობის ისტორიის,  არქეოლოგიის და ეთნოგრაფიის ინსტიტუტში. იკვლევდა ქართველთა და ჩრდილო კავკასიელ ხალხთა სოციალურ ურთიერთობას (საოჯახო ყოფა, ნათესაობის სისტემა, ტერიტორიული თემი, ხალხთა მმართველობის სისტემა, ადათობრივი სამართალი). განსაკუთრებით მნიშვნელოვანია მისი მონოგრაფია, "ქართული საოჯახო თემი". 1955 წელს იყო ისტორიის მეცნიერებათა დოქტორი, ეთნოგრაფი.

წყარო: ქართული საბჭოთა ენციკლოპედია: ტ.11.-თბ., 1987. -გვ.436

• 1960 - საქართველოს მეცნიერებათა დამსახურებული მოღვაწე

• მთიულეთის სოფელი ძველად : ეთნოგრაფიული გამოკვლევა (თანაავტორი). - თბილისი, მეცნიერება, 1965. - 87გვ.
• სვანეთის სოფელი ძველად (თანაავტორი). - თბილისი, საბჭ. საქართველო, 1964. - 129გვ.
• დიდი ოჯახის გარდმონაშთები სვანეთში (ავტორი). - თბილისი, 1939. - 134გვ.